不能愛上的星級女神2: 番外2 — 中學時期的關語芯

「Hilary！我差少少就做晒啦，小息交俾你得唔得呀？…」又是這個Damian 想遲交我的中文功課，我正想決絕地開口，貓仔章樂言一手拿走他的作業跑過來給我，並對他說：「你有邊次唔係咁講㗎？又想累阿芯冇得放小息，要等你？你就想！」貓仔與我互相微笑。

「Hilary，商場開咗間新嘅日本餐廳，我想問…你lunch得唔得閒啊？」最近，坐在我座位前的班會副主席Cammy總是對我主動多了，昨天的女子籃球初賽，她居然來了看。我正想回話，坐我鄰座、同為風紀的Sarah便帶點火花搶先說：「不過Hilary今日同我一齊當值，我哋諗住lunch喺小食部隨便食。」「Hilary，咁…可唔可以預埋我呀？」Cammy溫柔地問。我望了望坐在窗口位的貓仔，她仿佛也留意到Cammy和Sarah的火花和對我的好感，眼中似乎有點失落，卻又對我的目光表現得毫不着緊地微笑。明明她總是會暗暗協助我，但偏偏跟我除了籃球隊的訓練中多些對話以外，就從來不像Cammy和Sarah 那般主動…… 但其實我們只是普通朋友，我又憑什麼這麼著緊她呢？

「好型啊！」「果個咪學霸女神關語芯？」「係呀，佢中一已經幾乎還掃所有獎學金，打低所有高年級，拎咗女籃mvp…」「好靚女啊佢…」「除咗有師兄追佢，有幾個女神都對佢起痰…」「系咪低年級嗰個靚女風紀啊？」「日頭唔好講人…」……我和貓仔她們正進行賽前練習，Cammy、Sarah她們，還有幾個在追求我的學長也到了場邊，引來了不少人來「吃花生」。

「咇咇！」
如平常地，我也是正選，貓仔是後備。但打了半場後，其中一個師姐受了傷，由貓仔頂上。－下場便攻下2分，令對隊加緊了對她的防守。打到第四節尾聲時，我和貓仔的走位相當接近，對方的起手傳球不小心將她用力撞倒，但她向後倒時身後是籃柱。當下我腦海一片空白，緊張得立刻飛撲去護着她。她倒下來壓住我手和胸口，我即時痛得不懂反應，但她在我懷中近距離對望的那一剎那，我心跳加速、眼中和腦海中只是擔心在佢。
「章樂言！你有冇整親呀？」我匆匆關心她。她比我還緊張地檢查我：「阿芯你點啊？有冇事啊？」她想動我，但我痛得動彈不得：「唔好郁…」左手擦傷流血及瘀傷，左胸亦有種拉扯的痛。
「關語芯你好過份啊…」貓仔手放在我胸口上，緊張得幾乎哭出來。剛好時間亦到了完場，老師和急救隊也前來幫我檢查，對我有好感的幾位亦很緊張地上前。相反，貓仔卻跑開了。我看著他們，又看著貓仔漸漸跑遠的背影，有種心酸的感覺。加上受傷，胸膛撕裂的感覺令我痛得差點暈倒……





幸好只是拉傷，消毒包紮後我便可以放學，卻已經看不到貓仔的書包。
「語芯你有冇事啊？」一個學長下課來關心我，我搖搖頭，但他主動幫我拿書包：「你整親，等我幫你拎。」「唔該…」我們聊了一會天，走到學校附近的公園，我看見貓仔一人獨自坐在長凳上哭。我找了個藉口打發學長，便去找她。

「章樂言！」貓仔彷彿俾我嚇住了，呆望向我。我坐到她身邊，她輕輕撫摸我手臂抽泣並關心道：「關語芯…你痛唔…痛啊？」
「痛啊…」我指著胸口與她對望：「你頭先做咩走咗去啊…」
「我…」她再次哭泣，哭到我胸口又痛又酸。我把她手放在我胸前，靠近她：「頭先拉傷咗呢度已經好痛，見到你喊，我仲痛…」我用手替她拭去淚痕。這個距離、這種對望，有種無形的火花和氣氛，令我不自覺望向她的嘴唇，心臟坪然急速跳動著……