不能愛上的星級女神2: 餘震（大結局）

「飲杯！！！」張星凡的計劃成功了，約了我們一行人包括Terris、Paco、Renees、Candice和我等一起開船P慶祝。「瑜哥你有時d符碌真係可以推進到件事。原本諗住搵你幫手通風報信，你居然俾人發現咗。好彩我諗到將計就計！」他取笑我。
「你仲好講Mark哥！Candice開咗我明明鎖好嘅嗰道門，果下已經差啲嚇死我…」我喝了幾口酒定驚。
「不過瑜哥你居然估到我派Candice黎，你都好犀利！」他跟我碰杯。
「老實講，我嗰陣真係諗住執生，點知飲咗少少就已經醉醉地，其實攤喺度嗰下我都覺得唔對路。」
「梗係啦，啲加料酒唔係俾你飲㗎嘛！你知關語芯咁鍾意飲酒，飲酒佢實飲。」他繼續說：「之後Candice話搵唔到你，我上去望又見到間房鎖咗門，已經諗到瑜哥你比關語芯發現咗又入咗去執生，就叫Candice行plan B。」

「其實我一開門入到去見到你哋三個，嚇親嗰下真係真實反應！」Candice靠在我身邊望向我說：「不過你啲衫咁齊整，仲整齊過我哋喺Paris個晚，我就知呢個關語芯又玩大膽車，所以就跟張星凡個plan將計就計。最後真係迫到關語芯表白，我又真係幾安慰嘅～」我們幾個笑了笑，正要在碰杯之時，若嵐牽着關語芯的手到了並走過來：「點啊你哋？講我哋壞話呀？」
「女主角到啦！」「嵐姐，點敢啊？你連圈入面出名最狼嘅魔王關語芯都溝到，我哋寫個服字比你～」關語芯一臉害羞，耳朵也紅了，和一臉自信又含春般樣子的若嵐彷彿性格交換了。

「講真呢個咁怕羞嘅芯姐，我哋咁多年黎從來冇見過～」Paco、Renees和Mark他們目光一直在打量Hilary。「喂～你哋唔準咁嘅眼神望住我女朋友啊。一陣搞到佢又心口痛！」若嵐擋在Hilary跟前，令我和Candice也加入打量她們，始終這個萬若嵐也非常限量版。




「其實你哋個角色…係咪掉轉咗呢？」Candice取笑道。「關語芯同得妳黎見我地，佢真係好信你架萬若嵐！」我補充，關語芯望向我溫柔地微笑，這個她，似乎真的不一樣了。
「所以…」若嵐望向Hilary與她十指緊扣：「你哋以後唔准蝦佢架。佢以前對你哋做過啲咩講過啲咩唔好嘅嘢，希望你哋可以當粉筆字抹咗佢。」
「大個女啦喎萬若嵐！」「得啦嵐姐！」「冇問題啦！」…他們每個人也一人一句與關語芯冰釋前嫌。關語芯走在若嵐跟前，主動拿起酒杯對我們說：「以前我有咩得罪大家，希望大家可以當粉筆字咁抹咗佢。多謝你哋一直咁照顧咁錫海昕，你哋係佢最好嘅朋友，我希望你地做個見證…」她放下酒杯。

「萬海昕…」關語芯在口袋掏出了一個盒並向若嵐打開了，－對卡地亞玫瑰金手鐲閃亮登場。「Cartier…訂婚系列？…」若嵐驚喜得呆了，與Hilary對望著。「多謝你冇放棄我，多謝你咁堅定揀咗我。萬海昕，我鍾意妳。我希望以後嘅生活都可以有妳喺身邊，你願唔願意啊？」

「OMG!!!」「關語芯喎！我真係唔敢相信佢會求婚…」「哇！阿嫂！……」「萬若嵐你恨到啦！」……大型震驚現場！又一個香港地震的事件，若嵐居然直接收服了一頭狼！

「關語芯，我願意！」若嵐笑得眼睛也眯起來，而且幾高興又感動又驚訝的表情。她們互相為對方帶起手鐲，Hilary擁住若嵐的腰間，浪漫地吻下去。我們在旁邊一片歡呼聲、舉杯碰杯助興，我亦偷吻Candice的耳垂，－起享受著這個360度的美景和氣氛……









————————————————————————————————————————
待續
多謝收看