不能愛上的星級女神2（下季待續）: 狗仔隊的堅持

我和她在茶餐廳吃早餐，她毫無保留地讓我欣賞她尋晚到今晨在Hilary家樓下跟蹤我所得來的照片。
「如果唔係關語芯住喺頂樓，我一定可以影到你哋喺入面做咩！」她邊吃腸仔邊得意地說：「你喺佢屋企留咗成晚，你話俾我知你哋乜都冇做過我都唔信～向瑾瑜，你今次仲唔死？」
「哼，就憑呢兩張相？李思晴，你又想造假？」我呷了口咖啡。
「既然我上司實會拎嚟用，咁佢用，不如我用！如果你請我食呢餐，我可以考慮吓唔好寫得咁絕～」她偷偷望向我偷笑。
「我同Hilary尋日除咗對戲之外真係咩都冇做過，你信唔信？」我問，她反問：「咁你信唔信上一篇報道真係我上司寫，唔關我事？」我與她眼神對上了，我想起昨天與Hilary的每個對望。我烘近她，在她眼中真的找到她一點也不閃縮、不似在說謊。

「你…想點呀？…」她被我望得有點害羞，眼珠左右閃躲，低頭拿起咖啡喝下去，耳背也有點紅。我開始明白，關語芯想從對方的眼中看到什麼。我相信這個獵人外殼的女人，說不定潛意識在尋找一個值得她相信的人和關係。我笑了笑，呷了一口咖啡，沒想到我居然有機會遇上這麼特別的女人。
「你笑咩啊？」她害羞地對我謾罵。
「總之唔係笑你啦～」我吃著滑蛋，暗忖著新劇的火花，－定可以超越我的第一套劇，亦開始找到這個娛樂圈比marketing更有趣吸引的地方。
「我寫你緋聞喎！你唔嬲嘅咩？」




「咁我嬲完你係咪會唔寫？況且我同Hilary都唔係真嘅，咪同你幫我哋宣傳新劇囉。」我笑笑帶過。她定睛望向我，眼中帶點懷疑：「Hilary關語芯喎？36E 27 36，男人最愛喎？名人富二代爭住溝佢喎？你唔啱？」「有咩問題啊？」我呷著咖啡。
「我知！你係gay嘅！」她這句我嚇得把咖啡也噴了出來，噴到她手上也有。我把紙巾遞給她，立刻警告她：「我百分百中意女人架！我唔該你啲想像力同我收好佢，如果你亂寫嘢搞到我入唔到大陸市場，到時我真係唔會再坐喺度同你食早餐！」
「咁你救左我兩次，我又唔會恩將仇報…」她補充：「而且你份人其實又唔係咁差嘅。咁，唔通你同萬若嵐、或者朱浩婷其中一個係真嘅？冇理由啊！邊有人咁蠢比堅料記者跟架？…」我有些心虛地低頭喝咖啡，沒想到她會說我笨，真的很沒面子。

早餐過後我回家休息及梳洗，下午有個品牌活動邀請了我幫忙宣傳。應付完兩位麻煩女人，渾身都很累，沒留意到原來手機應該今早開始已沒電。

「瑾瑜！…瑾瑜！…」粉絲團人數越來越多，貓仔領軍之下她們多了不少應援物品，包括團衫。上台前我也遙遠跟他們打招呼，「啊！！！瑾瑜say hi呀！」「瑾瑜好靚仔啊！！」「瑾瑜加油啊！…」…他們又再次尖叫，貓仔也對我打了個招呼。在一大堆傳媒之中，我還是留意到李思晴的身影，她瘦小的身軀在攝影機中左穿右插，專注地走到接近前排拍攝和記錄。

宣傳活動進行得很順利，正當不少媒體已經離開、觀眾和保安等開始散場之際，在我粉絲團中有人大叫：「非禮啊！」我看到一名戴帽戴口罩的男子急步行向後台，我想也沒想脫離了保安，跑到那人身邊，他發現我的時候已經太遲，只是跑了兩步就被我將他一手壓頸一手向後屈曲。此時，我的一名女粉絲和幾名保安迅速走到我身邊幫忙，那名女子指著他大叫道：「就係佢！我睇住頭先偷拍我地團長裙底！」貓仔也走了過來，與其他團員圍在我身邊。
「瑾瑜，唔該曬你。」她說，其他粉絲一邊用電話拍攝一邊用欣賞和仰慕的眼光望向我，一人一句：「我地男神好勁啊！」「果然係男神啊…」「瑾瑜世一！！！」… 但我留意到貓仔似乎仍然心有餘悸，只是強裝鎮定。