不能愛上的星級女神2（下季待續）: 報復

新戲劇本和角色已經出了，我和Hilary已經被確定為男一和女一，亦已經拿到劇本。不過gary陳監製特意提醒我，由於這個角色亦正亦邪，而且是有小心機和耍壞的男人，希望我提早揣摩一下。之前和他吃過兩次飯，他認為我本身為人比較暖心、比較乖，所以特意為我安排一課角色心理堂，讓我更易入戲，更開口讓我向Hilary取經及互相切磋一下。他認為如果我這個角色演得好，幾乎就能在螢幕前向所有監製導演顯示我的實力，以後就算要進軍電影圈也易如反掌。

新劇講述男主角辛浩揚剛升上中型公司高層，發現公司背後原來一直有不見得光的市場，而他其中一個職責是找女主角許詩茹的拆局公司在黑市拆局。詩茹本來就是個有野心、機心、喜歡錢又喜歡耍手段的女人，原本是浩揚非常不喜歡的類型，後來因為發生了很多事，令浩揚知道為什麼她會變成這樣是因為她歷盡世界最黑暗的一面，而不知不覺間和詩茹性格完全相反的浩揚漸漸變成與詩茹一樣，反而詩茹被浩揚本身的性格感染而漸漸改變，亦喜歡了浩揚，二人的路越走越相反……

「我覺得呢個劇本其實真係好有意思，好多人淨係識批評一啲有野心耍手段嘅人，但係佢哋從來都唔知道呢啲人背後嘅諗法同埋佢哋經歷過嘅嘢…」猜不到Hilary對這份劇本也頗有想法。
「冇錯。好多人都鍾意嘅道德高地去批評人，但係佢哋只係旁觀者又唔係當事人，佢哋真係覺得自己就係上帝視角清楚晒所有嘢咩？」我和應著。
「咁你應該聽過我唔少唔好嘅傳聞？」她忽來的一句，令我有些招架不住望向她。「你同張星凡佢哋咁熟，佢地應該有講過我。我唔介意佢哋點講，因為我覺得你同我相處過就會知，我其實係一個點嘅人。」她表情很認真，望向我。
「嗯，都係嘅。我係唔應該咁快妄下判斷。」我也認同了解一個人還是面對面相處，比起謠言更可信。
「咁不如我哋一齊食個飯，傾吓個角色…」Hilary還未說完，我便看見李思晴怒髮沖冠地跑向我，將－份娛樂版報紙扔在我身上，呼喝我：「向瑾瑜你唔好再過分啲？你而家借其他media話我地造假新聞，你知唔知我隨時可以比人問責架？」





我拿起報紙看到報道滿意地微笑，把報紙推在她身上：「咁你知唔知點解我要咁做？」她思索了一番，忽然恍然大悟，拿起手機找找看，似乎亦找到答案。
「唔好扮嘢啦李小姐。」
「我冇扮野！篇文唔係我寫。」
「嗰日除咗你之外，你唔好話俾我知有其他人影嗰張相。」
「d相…係我影嘅…」
「你肯認啦咩？」我有點生氣地打岔，她也烘近我生氣地說：「即係我同你講啲相同埋篇文係我老細寫同攞咗去用，你都唔會信架啦？」她和我甚有火花地對望著。「你女朋友…係記者？」Hilary 一面疑惑地問。
「佢唔係我女朋友。」「我唔係佢女朋友。」我和李思晴同時說出來。
「我話你知，你有本事就呢世單身！如果唔係，邊個埋你身我就寫邊個，寫到你莫講話女朋友，連朋友都冇！」她拓拓眼鏡框，甚有殺氣，亦睨了Hilary －眼。
「李思晴你即管試吓！我都可以告到你連記者都冇得做！」
「我唔怕你！你咪告囉！」我一手摟緊Hilary的肩膊，烘近李思晴：「咁你而家仲唔寫？我會多謝你幫我哋宣傳新劇！」她氣得把眼鏡脫下，指著我卻說不出半句話。她忽然起腳用膝蓋踢向我下體，罵了我一句：「向瑾瑜你同我睇路！」便撞開我走開了。





雖然她踢得我有一點點痛，但我在Hilary面前也捂住下體裝作非常痛，邊回望那個邊走邊擦眼淚的她的背影。我居然是這麼享受與這個大無謂又火爆的小妹妺打罵的火花，亦很欣賞她對自己工作的執著。她令我想起年輕的自己，也試過因為對自己負責的工作很執著，就算平日脾氣多好，也會為了工作而生氣。