不能愛上的星級女神2（下季待續）: 此時此刻

天空開始被染色，在燒烤場的人幾乎也是Mark哥新戲的工作人員，剛拍完戲在收拾工具，而Mark哥、Paco和監製則在燒烤拍戲的食物和飲品，三位經理人放下我們之後便先離開。「你哋到咗拿？Janet到邊啊？」Mark哥問，若嵐說：「佢話5-10分鐘後左右。」
「我哋好多野啊，佢哋收工啦，我哋燒埋佢！」

對著海上的日落，－旁黃金色的沙灘顯得格外耀眼。其實和Candice拍拖之後很多顧忌，－般情侶光明正大做的事我們都不能、甚至要偷偷摸摸地做，有時我心中真的有點介意，但為了Candice，我還是會遷就。Janet買了些酒來，坐到若嵐身邊，細心地一人燒兩份。我站在欄杆喝著酒，欣賞著如畫般的日落，回頭看見Candice偷偷望著Janet和若嵐的曖昧互動，又望向我。我沒說什麼，只是回頭靠在攔桿上繼續喝。忽然身後一對手在我腰間從後擁抱我，Candice把唇貼近我耳垂，溫柔地低聲問：「向瑾瑜，你做咩唔坐我隔離啊？做咩唔過嚟攬住我啊？…」
「我以為你想八卦若嵐佢地嘛…」我轉身把她摟在懷中，「我係想同你好似佢哋咁啊…」她用手整理我的頭髮，我左右望望：「冇人啫，不過你唔怕咩？」
「就係趁啲crew未走曬又冇其他人，仲可以扮拍緊戲～」她在身後拿起兩頂帽，自己戴上後幫我戴，一手牽著我走到沙灘上。

她繞著我手貼著我身，沿著海浪邊的沙灘漫步。
「朱浩婷，你之前拍拖係咪都係好似咁玩地下情架？」
「其實呢我之前都未係咁紅，唔使好似而家咁避忌嘅。你想問我情史咋嘛？咁，你講先！」她與我十指緊扣，一直貼著我。




「我驚你唔想聽喎～我中學同若嵐曖昧咗三年，之後大學year2同咗個女仔－齊三年，之後就係撞返若嵐、識咗你。」她有點呷醋，無腰骨地撲進我懷：「下？原來萬若嵐係你初戀嚟架？咁你咪會好後悔冇同佢一齊？」我站穩腳步擁著她，笑說：「點會呢？咁中意咗你真係一個意外嚟～我把口否認咗好多次炸，不過口不對心囉。到你講！」
「我出道前有個女朋友，不過因為果陣啱啱入娛樂圈，好多野好新鮮、紙醉金迷，大家諗法唔同，結果一齊五年幾左右就分開咗。之後拍廣告識到其中一個客嘅仔，不過拍咗四個月發現佢係個花心蘿蔔。」她牽着我手，繼續說：「同萬若嵐熟咗之後，對佢越嚟越有好感，見佢同過Asther，佢之前套劇嘅女配角，不過唔夠半年Asther就同咗另一個男仔Kenny拍拖。由果時我先開始對若嵐主動，之後就遇到你。」
「仲以為你會好豐富添d情史～」我烘近她，「乜我係你心目中係咁濫嘅咩？」她不滿地捏住我鼻頭。
「哎呀，咁你咁索，實大把人追架！」
「有啊，不過其實我中意女仔多過男仔。所以咪羨慕若嵐成日都有女溝囉，我得d仔炸！不過你真係好例外，－開頭我見到若嵐對你咁唔同我都覺得奇怪，因為佢講過佢真係唔ok男仔，咁邊有可能咁中意你架？」她把我手放在她腰間。
「咁果晚…」我壓低聲問，她笑了笑：「我唔話你知！」她跑前幾步向我扮鬼臉。
「咁矛嘅你！」我追上去與她追追逐逐，我衝向她雙腿，雙手把她整個人抬起摃在肩上。
「向瑾瑜！放我落嚟啊！喂！…」
「你講咗我咪放囉！」
「我唔話你知！等你心思思！」




「咁就咁啦！」
「喂啊…」……

抬到累了，我把她放到沙灘上坐，我跨在她身上俯身靠向她。夕陽西下，我和她鼻尖貼上，柔情地對望。
「向瑾瑜，我愛你…」她耳朵紅紅，害羞地含著笑。
「朱浩婷，我都愛你…」我深情地告白，然後吻下去，她雙手繞我頸，深深回應我的吻。唇片分開了，她可愛地近距離望住我，捧住我左臉大大力吻在我右邊臉頰。她欣賞著她大力印在我臉上的唇印，輕輕點一點像在檢查有沒有掉色，便笑瞇瞇地說：「我每日印一個上去，睇你點去偷食！」
「有你咪夠囉！我點解仲要其他女仔呀？」我臉上和心中也樂透了，眼中只有Candice一個。
「算你啦！」她面上流露出滿滿的安全感，再賞我一個吻。
「你都唔准溝女啊朱浩婷！」我扁著嘴，她捧住我臉頰甜蜜地說：「我先唔會啊～」