不能愛上的星級女神2（下季待續）: 流言

自從煞科宴之後，朱浩婷和萬若嵐那個意外之吻，加上我驚嚇得打破了酒杯的相片成為整個星期的熱話，榮登熱搜榜榜首。第二三四位方別是嵐婷cp、向瑾瑜女朋友和我們的新劇，我簡直被她倆搶走了風頭。程心向我建議必須要保住自己名字，不可以讓「嵐婷cp」登峰，否則之後就沒有我的事了。無論在公在私，我也必須要曝光，而且不可以再比機會這個Candice姐對若嵐抽水。對！你沒有聽錯，我絕對不會容許我女朋友碰其他女人，更何況那個女人還是萬若嵐！

我刻意叫程心放風我和Candice約會的地點行程，這天Candice去完電影公司試鏡，我便故意去接她收工。

「向瑾瑜？你…」作為Candice經理人的May姐左顧右盼，把我拉到一邊低聲問：「Candice冇同我講約咗你喎，你過嚟果陣有冇記者啊？」我有點心虛地答：「應該冇。咁…我諗住俾個驚喜朱浩婷吖嘛。」Candice剛出來便看見我和May姐在一隅等她。
「向瑾瑜！你喺度做咩啊？」她又要高冷又要害羞，雙手放身後走向我。
「接你收工囉！點啊？你想食咩？」我想去牽她手，May姐立刻裝咳嗽：「咳咳嗯…」我們也相望偷笑，Candice問：「你要唔要一齊食呀May姐？」
「咪搞我！應間你又話我唔通氣。食還食，你兩個自己睇住。」
「收到。」「知道！」May姐向我打眼色，她便先走。





「你想帶我去邊啊？」
「跟我黎先。」
我把Candice帶到她平時經常買手袋的名店，向她打眼色讓她進去。「唔係呀嘛向瑾瑜？你水我使錢…」她仿佛有些不可思議，沒辦法，我首先就要報一敗之仇，上次媒體拍到Terris哥買了那個限量版給Candice，我雖然買不起，但為了Candice我已經預了整副家產給她買，希望媒體可以報好一些吧！
「唔好咁婆媽…」
「喂…我冇野買呀！」她阻止了我，取笑我。
「袋喎？你唔要咩？」
「唔洗住啦！Terris上次買咗…」她未講完，我便有點生氣把她拉了進去店內，她已經來不切阻止我：「喂向瑾瑜，唔使…」

「朱小姐午安！」
「Candice～點啊？今日過嚟做咩唔同我講聲啊？我幫你留定啲貨嘛。」




「Sandy！係呀，今日有啲即慶…」她睨了我一眼。第一次走進名店的我真的渾身不自在，還有那些多售貨員望過來，我不禁打了個哆嗦。「Candice，你地過嚟坐下先，我叫同事沖d花茶比你。我哋今日返咗個……」天啊，以前讀luxury marketing的時候教授有叫過我們嘗試進名店走個圈，想不到畢業差不多五年才走了進來「視察」。確實是我魯莽了，低估了Candice自己也是這個品牌的VIP，憑她的財力隨便也配個100k-200k的手袋，經典款式幾乎也有、但限量顏色又不是我們這樣走進來就有，結果她只是隨手買了個她沒有的顏色，還配了一堆領呔、男裝皮帶還有男裝手錶給我，就這樣隨手，已經差不多要17萬。

「點啊你覺得呢個色？」她在鏡前提起手袋打量著，「我邊識呢啲架？而且…咩款咩色都咁襯你！」我手插褲袋，打量著眼前這個星味極濃的她，會自動啟動心型濾鏡。
「你咁行嘅？都唔知你無啦啦拉我入黎做乜…」
「我想買野比你。」我坦白說。
她有些驚訝地望向我：「你？聽講你冇乜身家炸喎…」
「Shhh！朱浩婷你係咪玩嘢啊？」我按住她肩尷尬地低聲說：「比下面我好喎…」
「好啊～你埋單係咪？」她奸笑著：「Sandy！頭先係咪仲有個Kelly…」我立刻捂住她的口，心臟差點跳了出來，激動地壓低聲音在她耳邊喊道：「頭先果個kelly？差唔多成20幾萬一個，仲要1配1.5，我成副身家都唔夠比啊朱浩婷…」她可愛地笑著望向我：「你唔係又係仲記住上次Terris買過個袋比我，所以你…」我被她看穿了，有點不好意思地望過去：「我好任性啊可？明明買唔起，但係又想買比你。」
她烘近我，有點甜地低聲說：「唔係啊，我覺得好甜。」她和我曖昧地對望，她提出：「你想買袋比我係咪？淨係呢個袋8萬6，你想比過數比我、定係想我慢慢扣數？」
「點解我女朋友咁好嘅？」我凝望着她，她緊張地拍了我手臂一下：「喂！有人架呢度…」




「咁…你扣一世得唔得～」我向她撒嬌，她笑了。