洗衣機食左我隻襪: ByeBye

我地入去拎個櫃出黎，都真係幾重，
細佬咁細力，其實佢有冇幫手都係冇分別



拖個櫃出黎果陣，同地板磨擦時發出”吱..吱..”聲，
地上面亦都有啲新既刮痕，
我拖住佢，喺果啲符號度劃一劃，
我相信破壞左佢就可以令佢既作用失效。
 




“細佬，你快啲試下”
細佬合埋眼，聚精會神咁，唔知做乜野。
佢開返眼，啲眼淚就係咁流出黎
“家姐！得左喇！”
 
我地開心到攬住對方攬左好耐，
不過都要講ByeBye架喇。
 
細佬去果間襪房，拎返哂啲襪俾我
我好開心啊，終於都唔駛俾洗衣機食哂我啲襪！




 
細佬叫我合埋眼，佢話要送我返去
經過陣天旋地轉，我開眼時，已經身處一個醫院既房間
 
我呀媽喺身邊，
“你醒啦？你傻左？拎埋啲襪走入洗衣機然後開着佢…”
我知道原來我真係幫到細佬，開心到係咁笑。
“痴線。”
 
呢個時候，有個醫生走過黎我度，




“你好啊，我係精神科醫生，一陣會同你做幾個測試”
 
哈哈哈哈