洗衣機食左我隻襪: 鐵牆邊緣

由於左右都係鐵牆，我既方向只有前同埋後，但係行極都好似唔見盡頭。
係喎，我有帶iphone，點解唔check下自己喺邊？
我伸手入褲袋，oh no，iphone入左水… 激死我喇!!!! 我仲要冇買apple care
咁冇辦法啦，唯有繼續行前啦，反正可能都係check唔到。
忽然間發現到一樣奇怪既野，啲光喺邊度黎？周圍唔見有燈喎。
於是我停左一停，去尋找光源。
 
唉其實都唔知我入黎洗衣機呢個做法啱唔啱，
行到有啲攰搞到我有啲掛住我屋企...張床。
 




舉頭望明月，低頭思故鄉。
 
舉頭望，明月就冇喇，得個似有幻無既天花板。
低頭思…咦？地下個水氹，好似隱約見到啲黃色閃閃下!

我再望真啲，真係有光喎。我伸手入去，摸到一個好似按鈕既物體，我諗到冇諗，就㩒左落去。
 
我豎起隻耳仔，瞪大對眼，望住個水氹。
挑，呃人既，乜都冇！於是我好不忿咁起返身
啊，原來兩邊既鐵牆悄悄的起左變化！




兩邊既鐵牆各自左右分開移動左，顯示左一條通道，而通道盡頭係一扇房門!
(左右都有，即係總共有兩條通道，兩度門)
(左) (右)

去邊度先好呢？？？