洗衣機食左我隻襪: GPS追蹤

Hi！我係一個145cm的女仔。唔知係咪因為又矮又瘦，份人又內向，連屋企人都冇乜點理我，
所以我經常都搵野黎自娛一番，自得其樂。

 一直以黎，有件事令我好懊惱。新買返黎既襪，過左兩三個月唔知點解只剩返一隻，總係湊唔成一對。
放入洗衣機時明明係整整齊齊既一對，45分鐘後，莫名其妙咁有一隻唔見左，反轉哂整個洗衣機，摷極都摷唔到。
 我問過屋企人架，佢地話係吹左落街喎，但落街唔見有囉。

上個月某日，我決定研究啲襪失蹤既原因。我喺某幾隻襪裹面放左GPS追蹤器，然後放入去洗衣機。
“轟轟轟…” 個洗衣機搞完一輪，終於洗完嚕。我睇住部電腦，幾隻襪GPS位置都顯示喺我屋企。
我去個洗衣機度，拎啲襪出黎，今次冇唔見喎，個GPS追蹤器亦都冇壞到。於是我繼續咁做，睇下幾時會有襪唔見。




第二日已經有襪唔見，但係偏偏唔係放左追蹤器果隻…唉，不過要成功係要耐性，所以我冇放棄。
 
終於前幾日，洗衣機洗緊衫果陣，我望住個電腦，忽然間，有一隻襪入面既GPS失去左訊號!
個位置本來顯示緊喺我屋企，就係一眨眼之間，顯示左unknown！！
正常情況下，有乜可能會突然無法確應位置？冇！所以我知道，呢個係唔正常既情況…