情人節那天，我在衣櫃中找到我生命中的天使: 作者的話
作者的話
講真嗰句原來寫完一個完整既故事之後個心真係會有一種莫名既滿足感，的確係幾爽架(笑)。
本來我寫呢個故事既目的係因為我見自己最近學完倉頡，想比個機會自己去實習下，但真係估唔到自己居然愈寫愈入神，好似停唔到手咁。本來我只不過係諗住寫個十章就完既短篇故，但係發夢都冇諗到喺紙言到居然會有人追稿，真係令我好開心，所以試下加多少少劇情，但係點知最後以遠超預期既十九章結束。
其實寫呢個故某程度係挑戰緊自己：
- 我試過每日寫一章寫足一個星期而且每日都更新，雖然最後病左搞到停左四五日先再有更新番，不過就係因為咁，居然有人留言趨我寫文，嗰刻真係好興奮，因為真係好實在咁知道我寫緊既野真係有人睇。
- 我試過放篇故上高登，雖然只係新手故而且反應好冷淡，冇咩人回，但係都叫係有人留下名，我覺得都算一個唔錯既嘗試。
其實我都算係一個幾貪心既人，我一時想個結局係sad ending，一時又想寫個happy ending，所以最後決定用第十八章做sad ending，第十九章做happy ending，如果你中意sad end既你大可以唔睇第十九章，最緊要係你要睇得開心。(不過我個人就中意happy end多啲)
雖然今個故仔唔係話寫得好好，但係對我嚟真係一個唔錯既經驗，我諗如果我有時間既話我都會再寫下故。
至於呢個<情人節那天，我在衣櫃中找到我生命中的天使>呢個故仔我其實真係好中意，所以我諗我未必會set佢做「已完結」，因為話唔定我遲啲會繼續寫番幾個特別篇，到時希望大家又會支持我啦。
如果講有咩可惜既就係仲未揾到人幫我為呢個故事畫返個漫畫版，不過我會繼續等落去。
話時話，如果我將來寫故既時候遇到難題既唔知會唔會有天使幫我呢？我諗都係穏陣起見聽日開始做多啲好事儲下啲人生點數先(笑)。
唔知大家對呢個故仔有咩感想呢？不如留個comment 話我知啦
最後老套啲都要講句：
多謝各位有睇呢個故事既讀者，希望大家中意呢個故仔。
(題外話：我一路寫呢個故既時候不時都會聽 品冠 既歌，的確唔錯，比到我唔少靈感。係呢到送上佢既其中一首作品：愛情那麼傻
https://www.youtube.com/watch?v=phDyOuSeYt8 同時喺到祝大家七夕快樂，得閒可以睇下屋企個衣櫃有冇野架。 。)