彩虹髮型屋: 3.8

在嘉頓工廠後由山腳開始往上行，沿途已經有幾對情侶攜手上山。

我有點緊張，不禁思考我們是以什麼身份結伴同行。

猶似了解的不了解，永遠是最危險的。

我知道艾莉最喜歡的食物、最喜愛的卡通人物、比起貓更喜歡狗，卻猜不透艾莉約我到嘉頓山的用意，也摸不着她對我究竟有着什麼樣的情感。

「嘉頓山唔係多啲睇日落嘅咩？」我不讓自己繼續胡思亂想，便胡亂發問。





「咁都可以睇流星㗎嘛，你冇聽過首歌咩？」

「有，只係唔係日日都睇到流星。」

「咁就要睇吓我哋好唔好彩喇。」

山路不長，也不崎嶇，應該就是多情侶上山的原因。

我也很輕易便上到山頂，反倒是艾莉有一兩絲喘氣。





「上到嚟喇！冇我想像中咁多人喎。」我放眼四周。

「搵個位坐？」

我們找了一個山坡，並排而坐，稍微脫離人群，尋找一個私人地帶。

「今日個天幾清。」艾莉仰頭。

「係喎，唔通真係有機會睇到流星？」我跟隨她的視線。