彩虹髮型屋: 3.5

「喂，出嚟食餐飯。」

真是簡潔，卻是朋友的不拖拉。

Gordon，中學時期少有的兄弟，不過兄弟貴熟不貴多，對吧。

為何會成為兄弟？可能就是被老師幾次安排同坐一起，然後他熱情外向，又不介意我內向而不多說話，反而經常誘我和他談天，漸漸便熟絡起來。

所以說要做兄弟，說不易亦不難。





我們之間的分別卻有很多，除了外向和內向外，他成績名列前茅，我卻永遠在中游；他喜愛運動，我熱愛電動；最重要的是他閱女無數，我閱女嘛⋯⋯亦是無數，就是一個都不能數出來。

簡單來說，他就是一個萬人迷，而我就是萬人迷的兄弟罷了。

相約在一間台式餐廳。

其中一樣我欣賞他的，就是永遠準時。

「喂！呢排點呀？」是那熟悉的熱情。





「都係咁啦，讀書交Assignments 囉。」

「屌！個個都係咁㗎啦，有冇啲咩新鮮嘢呀？」

「冇乜喎⋯⋯」我不知如何回應。

「入大學就係要溝女㗎啦，係咪你science冇女啊。」他未等我回應：「不過都唔係，點睇都係你條友唔去馬啦。」

「使唔使轉過嚟Gbus，等人主動溝你啊？」還是未到我的回合。





Gordon DSE 也是如魚得水，Gbus一早已經是他囊中之物。

「Gbus話轉就轉呀！」我終於找到機會反駁。

「咁你溝女先得㗎，我近排又食咗個組女喇，我唔想睇住你孤獨終老，你快啲食返個組女啦」他取笑道。

「組女就冇喇⋯⋯」

「咁係咪即係其他地方有？」他又打斷我。

Gordon 總是能從我口中問到一些八卦。