彩虹髮型屋: 3.2

艾莉吃一口飯：「你讀緊書？」

我亦綴一口米粉：「係呀，中大讀緊Chem。」

大家又吃幾口，我先開口：「咁妳呢？我見你好似咁後生咁。」心中略然希望她如外表年輕。大概像我年紀的男人總是喜歡年紀相若的女性。

「冇人叫過你唔好問一個女仔嘅年齡咩？」她笑言。

「冇喎！」我口硬，事實上早就聽過這句話。





「20出頭啦！我唔讀書先幫到你剪頭髮咋。」

我好奇的是為什麼她不讀書。

「DSE炒咗？」我笑問，嘗試刺探一下。

艾莉用紙巾掩着嘴巴，然後從嘴巴接下一嚿骨頭，用紙巾墊起。

感覺上很長一段時間，她沒有回答，互相咀嚼了幾羹飯，幾口麵。





「算係考得唔好啦。」她終於回答，似乎有點厭倦這個問題。

我不清楚為何我有這份好奇。是想對她更認識嗎？又或是想強行為她加上一點瑕疵，解釋她追夢而不讀書這勇敢的舉止其實是走投無路，好令我和這個才華洋溢的人還有一點相似。

再者，她說出的道理和比喻，使我相信她至少也是個不錯的文科生，或許DSE是敗在數學上吧。