𣎴能愛上的星級女神（完）: 番外1 — 若嵐的角度

咁多年嚟，就算出咗道，我都堅持返去中學舊生聚會。除咗因為想探吓以前嘅良師益友，仲係因為我想睇吓有冇機會撞返一個人。呢個人叫向瑾瑜，佢身份係男人，但係中四之前有一次喺儲物室同佢kiss嘅時候，我已經知道左佢係女仔。估唔到真係比我見返佢，雖然佢第一眼唔認得我，但係我同佢之間嘅感覺隔咗十年仲喺度。

其實未撞返佢之前，我同朱浩婷之間開始有少少感覺。自從Asther搵咗男朋友，我feel到朱浩婷對我主動咗。同佢識咗已經四年幾，佢對關係專一又認真、做野又charm，唔好睇佢平時好似cool cool地、又會用另類嘅方法吸引我注意，其實佢對我好好、好細心。所以如果只有一件cheesecake，我當然會俾佢啦！

我感覺到瑾瑜好緊張我，但係我同佢之間硬係好似有啲隔膜咁，佢又－直唔肯同我講佢係女仔、但要做男仔嘅原因，又要問我係咪鍾意女仔。向瑾瑜，你叫我點答你好啊？

不過自從Poolside party同煞科果日，我好似feel到瑾瑜同Candice之間有啲唔一樣。遊艇派對同打網球嘅時候，幾乎更加證實，瑾瑜個心入面，多咗個人……我唔想爭、亦唔打算爭，兩個都係我中意嘅人。我個心唔舒服，但係選擇權喺瑾瑜度，如果佢決定揀Candice，我喊完、飲完酒就冇事，同埋我一定會開心Candice搵到一個值得佢愛嘅人。

打完網球之後嗰餐飯，其實我係心底裏面同自己講，係最後一次比瑾瑜照顧…





「你唔食嘅話我食埋你嗰份都仲得！」
「我果份比埋你啦！」我知道這個體貼的他只是出於照顧我的想法，已經沒有以前那個意思。不過我每次唔開心都只可以默默飲酒，因為我知道瑾瑜都好糾結。看見Candice望著瑾瑜那個呷醋的模樣，我只想再醉下去。

果日收工見到瑾瑜望住Candice上咗Terris架跑車嘅背影，加埋果晚同佢一齊飲醉酒。我知道自己好唔開心，只係冇諗到佢比我更加唔開心，我睇到佢個樣，個心都碎左。感情冇得勉強，之前兩次嘅曖昧令我知道，要搵一個right timing right person，其實一啲都唔容易……

係我最唔開心嘅時候，Janet放低咗手頭上所有嘅工作過咗嚟陪我。識咗佢咁多年，而家先知道佢一直都係咁留意我、咁細心對我。我知道張星凡喺背後推咗一把，就好似原來係佢叫Terris去追Candice －樣。呢個張星凡有時真係好多事幹架，不過我哋三個都知佢真係一個好好嘅朋友！因為Janet嘅出現，我比我自己預期更快放低咗佢兩個，亦都已經可以同佢哋好似以前咁相處。睇嚟，Janet喺我心入面越嚟越重要……