𣎴能愛上的星級女神（完）: 地下情

黃昏左右，Candice去了拍廣告雜誌，因為今天心臟又受情緒影響又和Candice床戰。幫Candice整理完家務之後胸口又有點翳悶，我便洗個澡到她的床上休息。剛剛準備入睡便聽到門打開了。

「點呀婷婷？你男朋友呢？」是May姐的聲音，和他們的腳步聲。
「May姐，其實…」
「你今朝就乜都唔理交晒俾我同程小姐，一枝箭咁標上救護車。之後人影都冇埋，婷婷你係咪要激死May姐先？」
「唔係呀對唔住呀May姐…」他們走進來了房間，Candice看見我立刻坐到我身旁。
「May姐。」我坐了起來，May姐關心地問：「點啊瑾瑜，你個心有冇好啲？」
「仲有少少唔舒服，不過我冇嘢，多謝May姐。」
「間屋咁乾淨係你執？你係咪執完之後個心又唔舒服啊？」Candice很憂心，我掃掃自己左胸，有點悶痛：「今日太操勞啫，冇事…」
「我比張卡片私家醫生你，你同佢講系May姐介紹，應該一兩日內有位睇醫生。」May姐走過來把卡片遞給我。




「唔該May姐…」我想起今早的事情，又連連向May姐道歉：「May姐對唔住。今朝係我太衝動…」
「冇事，果句條片同收音我已經拎走咗，冇留底，某程度上可以當你口誤。你哋補shot就ok。唉…好心你兩個以後小心啲。瑾瑜系新人，好多潛規則或者規矩佢唔知好正常，婷婷你做咗咁多年，又唔係唔知自己幾多男fans，你係咪唔怕跌粉先？你少咗收入，你仲要唔要包包㗎？」May姐雙手交疊在胸前溫和地教訓著Candice，Candice在被窩中與我十指緊扣，望了我一眼又望回May姐：「我知喇May姐～May姐你最好～」
「淨係識得賣口乖！」
「May姐你想食咩，我叫外賣啦。」
「May姐冇所謂，你問下你男朋友仔想食咩啦！」Candice仿佛心花怒放一樣，烘近我：「瑾瑜？」
「你揀啦～」
「咁壽司？May姐食唔食呀？」
「好啊。」她們的關係真的很像家人和朋友的混合版，而且對對方也很好。

壽司到了，May姐邊吃邊說：「瑾瑜，May姐有啲野要先小人後君子。你知Candice本身形象都好入屋、冇負面新聞，所以佢嘅粉絲男女都好多，後生嘅最多。公開戀情對於藝人嘅名聲同形象其實或多或少有啲影響，另一半形象唔夠固定或者有緋聞、負面新聞，都會令人有聯想。」




「即係Co branding嘅玩法？」我問，May姐笑了笑：「係喎，你係Marketing同PR出身，講branding你應該熟啲。咁你都知，要建立一個形象係要時間，但破壞只係需要一刻。」我點頭和議，May姐繼續講：「拍拖冇問題嘅，不過就可能要低調唔好公開，真係穩定左或者要結婚嘅時候，到時比media問到再透露。呢段時間May姐會比少少建議你同程小姐，兩個人形象越好，將來比觀眾發現嘅時候越唔容易脫粉。」
「知道啦May姐，麻煩晒你。」
「同你相處咗一段時間，我覺得瑾瑜你都係個負責任嘅男仔嚟，但係你一定要記住你而家已經踩左入呢個圈，唔可以好似以前咁，因為你哋同若嵐最近太出位，好多狗仔隊部住你哋三個。你地自己要識執生。」
「明白。」「知道啦May姐～」我和Candice也回答。

趁May姐上洗手間之際，Candice含住一件壽司的一半，用手拍拍我肩，柔情地望向我。
「Candice姐你真係好大膽啊你…」我對準壽司含下去，深情地與她深吻。我邊吻邊摸著她的巨丘，她亦撫摸著我腰間和背肌，我從嘴唇、臉頰、耳垂吻到她胸上，突然聽到洗手間沖水聲，然後開門那一剎我和Candice害羞地回復原狀，我心中甜蜜地用手拭走她在我嘴角留下的唇跡。
「點呀？趁我去咗洗手間，又咁痴纏？婷婷你真係越嚟越大膽啊你…」還是被May姐發現了，Candice耳朵紅了可愛地望向May姐，抿著唇嘴角上揚。我偷偷望向這個反差萌下可愛的她，「仲有你啊瑾瑜，你啲眼神真係…要收好啲…」May姐受不了。
Candice立即望向我，傲嬌地說：「聽唔聽到啊？May姐叫你唔好咁迷戀我啊～」我不忿氣，挑逗地烘近她：「朱浩婷，而家邊個迷戀邊個啊？」她瞬間被我撩得害羞起來。
「夠啦你地～我頂唔順啦…」May姐也笑著受不了。