𣎴能愛上的星級女神（完）: 完美男人修煉手冊

Candice和若嵐讓了個位置給Terris和管家替我檢查。他們協助我我才能脫下上衣，但因為位置難以用肉眼見到，管家和Terris邊當成肋骨骨折固定包紮，邊說：「我屋企人同心胸肺蕭醫生好熟，我而家打個電話過去同佢講聲，之後車你去佢診所檢查下。如果係普通肌肉拉傷就冇乜嘢，比較擔心你可能傷咗肋骨。」
「明白…咳嗯…」我胸口還在悶痛，Candice很緊張：「骨折咁嚴重？對唔住啊瑾瑜…」
「有機會咋…咳嗯…唔痛啊我…你唔好咁婆媽啦朱浩婷…」咳的時候更痛。我輕撫著痛的位，Candice －直皺着眉望向我，Terris坐在她身邊右手拍她左肩安慰她，邊致電去醫生診所。

Terris陪我去看醫生，我和Terris也堅持不用太多人一齊去，把若嵐和Candice強留在Terris家中。幸好沒有肋骨骨裂，應該只是肋間肌扯傷，但Terris依然很細心叮囑我小心，更不用我付費。對於眼前這個完美的男人，我實在無力與他競爭。
「Terris，介唔介意我問你一個問題？」他在送我回去的途中，我嘗試了解他。
「Sure。」
「你無論係邊方面條件都咁好，一定有好多女仔埋身。之前冇揀到個啱架咩？」他聽到這裡，仿佛有些慚愧地苦笑：「其實我冇人地講到咁好架。特別係後生d 20歲果陣，喺美國同班朋友晚晚開party，食煙飲酒吸毒玩女人乜都試過，差啲畢唔到業。出嚟做嘢頭幾年都仲未定性，覺得屋企大把錢比我洗，唔明點解一定要返公司幫手。直至到差唔多28、29果陣，爹吔突然間大病左一場，我先開始檢討。前幾年搵到自己想發展嘅生意方向，所以先有今時今日嘅我。」他真的，很值得我學習。他補充：「所以其實真正想認真搵個人係前幾年嘅事，不過因為啱啱set up自己公司，都冇時間。」
「原來係咁。你咁好，要搵個好女仔唔難。朱浩婷咁好，你會唔會考慮下？」我誠實地說。
「咁你呢？你身邊唔係有兩個好女仔咩？」沒想到他居然這樣反問我。





「其實我…」看着他這麼誠懇的樣子，加上他剛才這麼信任我，把他曾經的經歷告訴我，我不好意思敷衍他，更不敢說真話，唯有這樣說：「其實我屋企環境唔好，如果唔係撞返若嵐，我都從來冇諗過會半隻腳入咗呢行。若嵐本身已經係影視紅星，同佢傳緋聞嘅時候已經比佢阿哥、我阿爺打到飛起。至於Candice，你都知佢係名牌忠粉，喺日韓台都係No1 港星，佢屋企係我屋企嘅五六倍。我唔係介意雜誌、舊同事話我食軟飯，但我連一個名牌手袋都買唔起，你真係覺得ok咩？」

他沒有馬上回應我，也思索了一會，直至到達目的地前一刻，他才回答我：「你可以話我唔理解，但係你有冇問過佢地點諗？我識咗Candice唔係好耐，佢係就係鍾意手袋，但係呢個只係佢興趣，從來唔會炫耀，佢亦都唔係拜金嘅女仔。我明白作為負責任嘅男人，特別係認定一個女仔想同佢細水長流、組織家庭，你會希望比到最好嘅、佢想要嘅生活佢。如果你真係咁愛佢，呢個唔應該係你唔同佢一齊嘅借口，反而應該係鞭策你努力嘅動力。」我們打開了車門，他笑着說：「So nice to chat with you。我26歲果陣冇你咁對女仔咁有風度、個人咁識諗，really glad to meet you瑜哥，唔嫌棄嘅話，下次教我打Tennis？」
「唔好咁客氣啦Terris，大家互相切磋下。」
「Sure~」

剛下車，Candice和若嵐也走來關心我。「你冇事就好啦，如果你真係比我搞到骨折，我真係唔知點算好…」Candice有些內疚，我笑了笑：「咁好簡單姐，我開唔到工嗰段時間嘅損失你負責咯。」
「仲識笑即係冇事啦？」
「仲痛緊啊！」




「請你食dinner啦而家…」Candice有些嘴上嫌棄。
「咁當然！不過唔係淨係請我，你要請埋佢哋。」我指著Terris和若嵐，畢竟他們也擔心了半日，Terris亦出了不少力。「你啱！」Candice笑了笑。
「OK！我知道邊度有好野食。Lets go！我帶你地去。」Terris和我們也回到車上出發去吃飯。