𣎴能愛上的星級女神（完）: 又愛又恨

放了兩天假，整個人也精神了。未拍過電視劇之前以為電視劇很輕鬆，事實上工作編更可以很密集，而且有時凌晨也需要工作，無論是心理上還是作息上，簡直需要極大的調節。之前做經理人的時候，由於還有詩姐，時間表上基本上就是互相配合，但如今身為半個藝人，一切也不同了。

翌日早上，若嵐約了我去她平時做開健身的地方邊運動邊聊天。在去健身房前、買麵包的途中，我看到今個禮拜最新的娛樂周刊頭版標題是「富二代Terris豪㧜七位數 力追Candice」，拍到朱浩婷和Terris出入名店及高級餐廳，Terris還買了那個限量版手袋給Candice。天啊！上次見識過Terris的風度，已經令人無地自容，無論樣貌、人品、事業和財力也是頂層級數，如果我是Candice，根本不用考慮。我把雜誌買了，只是為了看看傳媒對Terris的評價。

「瑾瑜！黎咗拿？」若嵐穿起sport bra和窄身運動長褲的形象和平時有點不同。
「點啊若嵐姐？做咩今日咁特別約我嚟gym room啊？」她鬼魅一笑：「冇啊。」她盯着我胸膛問我：「不過其實我想問，你之前係咪因為驚我介意你做咗平胸手術，所以唔俾我摸呀？」
她突如其來的問題令我為之一震，我很快恢復平靜地說：「你講得啱，不過結果係遊艇嗰日都俾你睇到曬。」等等！她說什麼？我本來也意識不到，忽然瞬間望向她，我人也呆了，震驚地問她：「你頭先話…平胸手術？咁你即係知道我…」
「中學果陣其實我已經…」此時Candice忽然出現，她的sport bra有點低胸、還穿了高腰運動短褲，簡直令人垂涎三尺。
「你唔敢講，我咪幫你同若嵐講咯～」Candice用毛巾擦著汗，看來今天若嵐是故意帶我來的。
「朱浩婷，你有冇搞錯啊！你都好多事㗎喎！」我不滿地對她說。




「本來我就唔會咁衰嘅…」她走近我，忽然黑起面低聲說：「但係前日我同Paco食飯，原來佢同你講咗你飲醉酒嗰晚嘅嘢，咁你想唔想知，你之後同我講咗啲咩啊？」
「Candice姐，我真係冇印象…」她的殺氣，把我逼得後退兩步。
「你話：你對唔住若嵐，成個腦都係Candice。呢個朱浩婷持住平時霸氣，用對波去周圍凶人，同你爭萬若嵐搏人注意。同你扮曬friend，其實都係想耍手段爭女！」她的怒火燒得我完全不敢呼吸。
「我…唔係咁嘅意思架。Candice姐你大人有大量…」我用微弱的聲線求生，眼神也左右閃縮，完全沒有想到我喝醉之後居然說了這些話。
「向瑾瑜我以為你冇風度啫，原來你係真心咁諗我嘅？」看來她這次真的生氣了，也沒有給我機會辯明，就算有我亦辯解不清。「冇嘢好講係咪？」她生氣完眼中仿佛閃過一些失落，與我四目交投一會，她還有些餘火地說：「Terris約咗我食早餐。向瑾瑜，我去搵Terris，以後都唔同你食飯！」便走開了。

「唔使理佢，若嵐我地做gym。」我心中也有些不忿，若嵐看著我，眼中帶點不開心。「若嵐？做咩啊？」我關心她。
「我羨慕Candice啊…」她望向我，我不理解又有點嫌棄Candice地笑：「若嵐你咁好、EQ高又溫柔，Candice同你差咁遠，你點會羨慕佢㗎？」我們各自上了跑步機，我由慢步開始加速。
「唔知啊…可能因為佢同你咩都可以傾？」她思索著，「我同佢成日鬧交，傾到啲咩啊？我同你就唔同，無論係中學嗰陣定係而家，我哋都冇點嗌過交。你份人好過佢咁多，又出名過佢、身價又高過佢，佢妒忌你就差唔多！」我想起Candice講過不止一次羨慕萬若嵐，便笑了。
「或者我可能係羨慕…你個心係佢度…」她苦苦微笑，我望著她有些心虛地澄清：「閘住！佢咁唔溫柔…」她在員工餐廳和我差點吻上那刻，其實也既害羞又溫柔。