𣎴能愛上的星級女神（完）: 對不起還是不甘心

「你講我落club果晚？」
「係呀！你醉咗之後猛咁話若嵐對唔住，我地咪叫若嵐過嚟咯。瑜哥，你真係憑實力單身嘅！佢過到嚟，你就話對唔住若嵐，你成個腦都係Candice。萬若嵐大方呀，自己唔開心仲叫我搵Candice過嚟。好啦Candice黎咗，我送你地到樓下，Candice送你上去。你肯定又講錯野啦，如果唔係Candice點會果日晨早流流send msg對住我係咁鬧你，又叫我介紹d靚仔tb比佢啊？」
「咁Candice有冇同你講我講咗啲咩？」我有點緊涱。
「我冇問佢，不過佢好似幾嬲下，唔係好想提起咁。」原來發生了這件事，難怪她們兩個也突然靜了下來。
「瑜哥，其實你中意Candice姐咪直接同佢表白咯，感情呢啲嘢從來冇話先到先得，有咩問題呢？」他不明白，
「Paco哥，Candice姐係我情敵黎架。」我說。
「你覺得對若嵐唔住…瑜哥，你真係好老土啊…」他對我吐嘈，但也補充：「我唔係笑你，不過瑜哥，你自己諗清楚先啦。你係真係覺得對若嵐唔住所以你連Candice都決定放棄，定係唔甘心就咁放棄若嵐、唔甘心中意咗人地咁耐轉個頭沉咗Candice隻船，你自己諗下。」
「Paco啊，我咪話我冇鍾意Candice囉…」
「你呃我有咩用？你自己最清楚！」這個李栢言，平時害害羞羞，一講感情就秒成專家。不過他真的旁觀者清，或者我真的要好好想清楚。





我在康城找了家餐廳坐下來，程心仿佛很了解我，她告訴我她已經在康城，問我在哪。

「你無啦啦走咗去，想嚇死我哋咩？」她一坐下便罵我：「仲有你啊！你到底同萬若嵐同朱浩婷講過咩啊？佢哋兩個都好似嬲咗你。」
「咁仲好…」我喃喃自語。
「好？你而家兩個都唔揀係咪？咁你就專心拍戲拍廣告啦，唔好無啦啦又走咗去。」
「我知啦。辛苦你啦程心。」
「你都知嘅，呢餐我隨便叫，你埋單！」
「當然啦！」
「你真係…成日淨係識逃避…」她禁不住又吐嘈：「你次次都係咁！真係慶幸Candice叫你了解下我，如果唔係我又踩入你個無底深淵度…」
「對唔住…不過唔好提呢個人啦！」－提起朱浩婷，我的心又不安靜，又煩惱起來。




「向瑾瑜啊！我唔提，咁你聽日點同佢拍戲啊？」我知程心想罵醒我，Paco也是。她歎了口氣，語氣換成溫柔調：「不如你試吓拆開兩件事。你同萬若嵐之間係一件事，你同Candice係另一件事。就算你唔想同Candice講，你都可以同萬若嵐講清楚先。又或者調返轉，你可以同Candice搞清楚先，再諗同唔同萬若嵐一齊囉。起碼好過你將全部野炒埋一碟，煩到自己之餘煩埋全世界。」
「我知我好煩…」
「你再放負我就唔理你！」她警告我。
「我知點做啦。」我回答。

且說Mark哥還是把手上的「筍盤」介紹給Candice，是那個城中鑽石王老五35歲的年輕富豪Terris。他除了有家族生意在手，還有自己新成立的創科公司，目前中港兩地皆有業務。而且Terris是Mark哥認識多年的朋友，有Mark哥認證形象正面而且不玩女人，稱得上是翩翩君子。我跟Mark哥講，希望有機會確認一下他為人。Mark哥似乎明白我的意思，告訴我可以嘗試找朋友約船期開派對。