𣎴能愛上的星級女神（完）: 最強軍師

「有咩點呀？一個字，煩。」晚上，程心來了我家作客。我邊沖茶邊回答她。她邊看電視邊替打社交媒體的文案：「萬若嵐同朱浩婷都係一線花旦，萬若嵐又有拍電影，而Candice喺日本同韓國都係港產女明星排行榜第一位。萬若嵐唔洗講啦，就連Candice 都有好多香港以外嘅跨國品牌搵佢做代言人喎～」
「所以呢？」我切了幾片檸檬放在碟上，把它們也拿到茶几上，補充：「我都知佢哋兩個好出名。但係我係同佢哋個人拍拖，又唔係同佢哋嘅名氣…」
「佢哋？……你死啦你，你一腳踏兩船呀？」她在我身邊一手繞住我頸，對我八卦：「老老實實，你淨係提過同萬若嵐嘅事，但你拖左咁耐都未同人地表白。而家同朱浩婷單野又傳到沸沸揚揚，咁你同佢有冇發生過咩先？」

「點呀程小姐？使唔使問得咁直接呀？」我呷了口茶，電視正好播放Candice主演的劇集。今集的她穿著三點色，做臥底進入富二代派對調查。我又不自覺地想起我抱住她去醫療室的片段。
「你個Candice 倒奶喎～點啫？你食過未啊？」
「我服左你啦程心！」
「佢對波堅架？好大喎。」
「係呀堅架。」
「34C?」




「34D。」
「向瑾瑜你唔係真係食過啊嘛？咁萬若嵐呢？」
「34C。」
「咁邊個正d先？」
「你話呢？」
「喔～你中意大波！」
「咁我又唔會咁膚淺…」我立刻澄清。
「話曬Candice都係model又係港姐喎。不過萬若嵐系長腿女神，仲係星馬視后，冇得輸嘅～」Candice色色的時候確實是反差極大。
「你笑得好衰喎向瑾瑜，諗起邊個啊？」
「痴線啦我邊有啊？」我把自己嚇得立刻把電視關掉。




「知你揀唔到喇渣男！」她吐嘈我。
「我由頭到尾對若嵐嘅心意都好明確！不過…你覺得我會唔會拖得太耐？」我有些心虛問她。
「咁了解多d先開始係好事黎，更何況你呢兩件都咁出名，娛樂圈品流複雜，更加要觀察下先！」她擺出一副軍師樣子。
「咁我靠你啦程軍師！」
「咁我要收返啲顧問費先得～又要做你freelance經理人，又要做你軍師喎！你可以見返萬若嵐，仲識到Candice，我點都有啲功勞。更何況你難得終於唔洗財赤，我又唔使借錢比你。」她一臉得意。
「得啦！你想食咩就book啦！我欠你嘅，有排還～」
「多謝老細～」她笑了，我也笑了。

時間過得很快，劇本角色和初稿已經準備好，亦分派了劇本給我們先自行揣摩。而同一時間，詩姐和May姐也聯絡了程心希望大家約出來了解角色和培養情感。





「你兩位女神嘅經理人同意左，我地book咗天台會所間VIP房，我地六個今晚邊食邊傾。」
「六個？咁緊張？」我真的有嚇倒。
「其實呢…你到時真係要小心會有火花…」她忽然低聲拍拍我肩，繼續補充：「同佢哋傾果陣我feel到佢哋都唔想你單獨約另一邊傾咁。我主觀咁諗啦，唔知有冇get錯，我覺得…你兩個女神似乎都有啲介意你同對方一齊。」我很震驚：「唔係呀嘛？應該唔會掛？」看來Candice介意我和若嵐親密，不，應該是介意若嵐對我親密。她把劇本放到我面前，打開了其中一頁，指著說：「雖然未出曬detail，但盲嘅都估到你同佢地兩個都會有激情戲。見到對方同自己情敵有激情戲、甚至可能有床戲，唔好話我話，佢哋到時實會輪流監場添～」如果她們真的去監場，那我的吻戲亦一定會很將就。「睇嚟呢套戲你會好難拍…」她取笑我。