𣎴能愛上的星級女神（完）: 形象告急

正被她撩起思緒，若嵐因為裙被勾到所以正想找我，我剛走去把外套脫下綁在她腰間護送她離開攝影範圍時，在一瞬之間，她破了的位置勾到一支燈，那支燈倒向站在我不遠處的Candice。

「朱小姐小心！」我本能地撲了向她想推開她，那一個可怕的－秒我摟緊她向左滾，我瞇起了眼，但燈打下來碰到我腰那一下我真的痛得叫了出來。到我睜開雙眼時，Candice手心冒汗執住我衣領，和我身貼身，讓我感受到彼此基乎跳出來的心，表情複雜地呆望著我。她這個樣子是我第一次見，真的激起人的保護慾。「Candice 你有冇整親？」我問，她聽到這句忽然大大力擁緊我，無聲把我胸膛淚濕了。

「有冇事？」「call白車快啲！」「瑾瑜！」… 還有一個傻瓜第一時間跑到我身邊，正是萬若嵐。「你點呀？打到邊個位呀？」
「條腰…」
「你哋聽住！」她忽然向其他人特別是燈光師哭着生氣地大喊道：「如果向瑾瑜有咩事，我會出律師信追究責任！」哇…我雖然很痛，但聽到這句從她口中說出的威脅性說話，我也嚇一嚇，立刻忍痛拉住她：「冇事冇事…」「瑾瑜…」「若嵐…我冇事……」……

做完檢查後，醫生說沒有傷到內臟，只是撞瘀和拉傷，很幸運，觀察多一天便可以出院。我反而認為最幸運是檢查時沒有被發現身份。





「你點啊？嚇死我啦！」第一時間衝過來見我的是程心。
「冇事啊！你又做做吓嘢無啦啦走過來搵我？再係咁呢你就會俾人炒魷魚，我養唔起你㗎！」之前我也試過入了急症室，這個程心居然放下手上所有工作，第一時間匆匆來醫院看我。
「仲講笑！仲痛唔痛呀？我留低陪你啦…」她眉頭緊皺、臉色也青了。她正幫我斟水，我拍撲我手臂微笑說：「唔使啦！若嵐話佢一陣間夜啲會過嚟～」程心淡淡地說：「喔…」
「你唔使理我㗎喇快啲返公司先，我休息陣間就冇問題。」
「嗯，好啦…」她離開了。

睡了一會，聽到家姐和海昕在吵鬧。「萬海昕…你無啦啦喺度要脅人，而家人地放咗條片上網…」
「佢條片冇針對我，d留言都認同我，有咩問題？…」
「你d形象冇曬喇萬海昕！你冷靜d唔得咩？…」
「點冷靜啊！！」




「小姐啊…你知唔知自己咩身份呀？」…
「海昕…」「你醒啦？」「瑾瑜！」「我聽到曬啦…」

她把影片遞給我，清楚錄到由燈掉下來到海昕警告他們。影片下的留言都在讃我英雄救美、亦有不少人說海昕重情，但亦有些留言沒猜到海昕居然會這樣講，實在嚇到。「海昕，你應承我，下次冷靜啲，好冇？」
「嗯，我知啦～你點呀仲痛唔痛呀？」
「冇事呀～醫生咪話冇傷到內臟咯。」我輕撫她頭，她仿佛緊張又帶點醋意：「你啊…頭先攬到個朱浩婷實一實啊！點呀？佢對波好大好好攬係咪呀？…」
「喂～～你咁講嘢嘅？」沒想到她著急的時候說話真的特別任性，但也特別可愛。
「點呀向瑾瑜！個Candice抽你水啊你仲笑！」
「笑你點解可以咁可愛～」
「唔准笑啊！」她輕捏我手臂。




「哇你咁暴力㗎？」
「哼！」

「喂喂！我仲喺度架！」家姐走了過來，我們立刻收憸起來。「萬若嵐！你就黎唔洗做明星架啦！上次件事都未平息，你今次又咁，d網民開始覺得你行為同說話都唔顧形象喇…」家姐歎了口氣，我也跟若嵐說：「其實詩姐講得啱架。上次仲有得話係借位，而且好彩唔係你坐我大脾上面，啲人最多咪話我食軟飯。今次唔同，有片為證，我哋要商量下點先可以包裝返好，唔係咁易搞架。」「知啦～」她扁著嘴。