𣎴能愛上的星級女神（完）: 明星對手

「嵐姐到！梳化stand by、服裝stand by…」「嵐姐化妝間呢邊請…」… 除了活動和廣告，其他東西對我來講流程也是非常新穎，需要慢慢熟悉。

「嵐姐！今日點呀？」「和哥早晨！今日幾好，你呢？」「今日有好多組要set啊…」團隊到了，海詩順便向我介紹他們，在電視台拍劇不少已經合作多年，形象方面不需要太擔心。「 咁你睇住先，我去個洗手間。」「OK.」家姐前腳剛走，後腳來了個女明星。撻撻的高跟鞋聲、低胸露背短裙，有著嫵媚的長髮戴著名牌黑超和單肩小包，連經理人的樣子也特別高傲。她摘下黑超，我瞬間呆滯了。全世界無－不齊聲叫：「Candice姐！」Candice 朱浩婷Model出身，之後選美而入行，跟我同年，外表非常斯文無害，身材窈窕，幕前形象是鄰家女孩、樸實無華而且貼地，不過似乎是包裝下的謊言。她一來便走向我和萬若嵐，把包放在她前方桌上，對著鏡中的她說：「嵐姐，我琴日見你又跌咗粉絲喎。好心你，咁多年冇男朋友咪搵返個咯，做咩呢排搞到咁唔好睇，比人影到你同女仔一齊呢？你啲粉絲去晒我度，搞到我都唔係幾好意思～」她這句到底是什麼意思？她留意到我，貼近我身邊：「靚仔，你新黎架？」
「我係萬若嵐嘅見習經理人。」
「經理人？咁得閒食餐飯啦…」她手拍拍我膊，便走開了。

我看看鏡中的若嵐仿佛若有所思，正好家姐回來，把我拉到－隅密聊，讓我打開媒體看看，原來大概一個月前被拍到她和同性的親密舉動：拖手擁抱、還有就鏡頭的親熱。

「本來冇緋聞係好事，不過咁多年都冇傳，就比人懷疑若嵐嘅性取向。」家姐低聲告訴我，不知為何，我不禁懷疑她找我做經理人會不會是想借我身份沖淡這件事。「咁你地有冇咩對策？」
「呢排我哋盡量同媒體打好關係，等佢哋報多d電視劇嘅螢幕緋聞，寫下其他嘢。」




「明白。」我用筆記寫下。

「好！收工！」…今日若嵐的戲份已經拍完，之後沒有其他活動，上車後海詩打算讓司機載他們回家。
「家姐我出去行下，唔想番去住。」
「上個月你都係咁講，結果俾人影到相。」
「家姐啊… 我都想休息下…」海詩考慮了一會，說：「咁啦，你比瑾瑜睇住你，我就比你去。」她瞇瞇笑說：「冇問題。」便放了我和她下車。