𣎴能愛上的星級女神（完）: 飲咖啡而已

眼前這位巨星居然是當年和我曖昧了兩三年，活生生直接把我掰攣的萬海昕。中三認識這個比我大－屆的她之後，和她的關係總是曖曖昧昧，更被不少人以為我們是一對。但只有我自己知道，她應該不知我並非男生，令我根本不夠膽承認。所以我每次都會齒口否認。

沒想到當年天真傻氣的她，十年後已經成了有魅力的當紅明星，而她居然還認得出我。「咁…上車？」我為她拉開副駕座的門，她笑了笑，對她姐姐說：「我有分寸架啦！」我便上車起程。

回到第一時間把工作用文件傳出，並對她說：「唔好意思啊，我搞咗公司d野先，你坐住先啦！」
「你慢慢！」我剛入房，她便問我：「係喎洗手間…」我想起我昨天洗了個假體放在洗手間，嚇得九秒九去拿走。剛好她跟上來時，已經拿走了。我喘息著，嚇得冒汗。
「做咩啊你？」
「冇啊，你慢用。」

傳好文件，我便去沖咖啡給她，她亦出來了。「其實…你初初係咪認唔出我呀？」她走來我身邊幫忙。




「都…係架。你靚咗咁多，身材都好咗…我冇其他意思，就係你唔同咗。」我立即打圓場，她笑了：「你就冇咩點變過！不過咁多年舊生會冇見你，我以為你去咗外國。」我還以為中學畢業之後她便忘記了我，我告訴她：「大學拎住獎學金，畢業之後直接出黎做嘢。」
「咁你而家做邊行呀？」
「Marketing and PR.」
「聽舊朋友講你已經有人搶啦喎。」
「佢哋客氣啫，我而家間中小企公司， 唔洗管好多人。」我把球拋給她：「妳仲勁啦！中學畢業到而家，已經拍咗咁多電視電影廣告，帶挈我哋中學校名。」
「你成頂高帽笠落嚟，我唔知講咩好…」她取笑我，我補充：「但最勁係，你keep到初心。」
「你又知？」
「唔知，不過覺得你可以。」她望過來，和我眼神再次互訴曖昧，但我和她今時今日，只會更沒可能。

「d 咖啡O唔OK呀？」我打破氣氛。




「你試吓？」她把唇印那邊面向我，我害羞地偷望她，害羞地喝了幾口：「好似…落多咗糖。」她忍住笑，抿了抿唇，溫柔地推了我一下。
「係喎，你家姐係你經理人？」我嘗試扯開話題，她仿佛侊然大悟一樣：「啊！你頭先話你做PR？」
「－半啦。」
「你有冇興趣試吓做明星經理人？」我不明白，她解釋：「果陣我出道，因為父母唔支持，所以家姐為咗backup我，犧牲自己事業做我經理人。我冇辜負佢，直至而家搵到嘅錢，都會分比家姐。不過佢一兩年前做返自己本行副業，所以我哋已經打算試吓請人。」

「不過…我唔知我應唔應付到。」
「我會叫家姐幫你，你想唔想試吓？」我只是問了她一個問題：「十年冇見，你真係咁信得過我？」她笑了笑，沒有迴避我眼神，堅定望向我：「有機會我再答你。你考慮吓？」她正打算離開，我立刻拉住，她失平衡倒在我身上我抱住她，再次與她四目交投。
「你比試用期我，我試吓？」我回答，又對她說：「咁，我送你？」她反問我：「咁你幾時可以開工？」我正想回答兩個月，她打岔：「我幫你補水，你即日試工。」
她突如其來的這份霸氣秒嚇到我，她補充：「人工唔洗擔心，我哋一年前開左工作室。當你搵4萬左右，人工多1倍。」太恐怖了，不敢想像這個萬若嵐上年的收入是多少。我當然沒有4萬。但亦沒法想像，我為了她，一夜間「被遲職」和「被轉行」。