係同屋室友?定係同居密友?: (S2)38. 以前的事

小祺今日坐左係梳化，個頭挨住學翹，佢地兩個等緊洗衣機停機晾衫
 
距離佢地去staycation已經過左幾日，放左幾日假，佢地工作效率都高左，而且小祺已經完成整個Professional diploma，唔需要放工趕返學，所以佢留係宿舍時間多左，可以幫手分擔家務。不過學翹呢個寵妻狂魔一d家務都冇分俾小祺
 
坐係梳化上，學翹又突然間錫左小祺一啖，呢幾日，呢個動作佢地已經試過無數咁多次
 
「仲痛唔痛?」 「唔痛啦，你果晚都唔大力粗魯，你錫住我」
 
「咁我怕妳會痛丫嘛」 「咁你覺得呢?」
 




「痛就一定會有，我真係怕整到妳」「咁…入黎，穿果一下係有d痛，不過之後唔痛」
 
「妳果d野，邊度學返黎架?妳又會識嘅」 「咩喎，我都有需要架嘛，我都會睇av」
 
「妳睇邊d av先?有好多款架喎」 「咪正正常常果d囉，你睇好變態果d?」
 
「我睇果d好正常，當然睇就會睇唔，但係自己呢，就有妳一個就夠」
 
「你呢個咸濕佬，我幫你果時，你好似好舒服咁」
 




「妳睇無格仔學架?」  「係呀」小祺面紅紅咁同學翹講返staycation果晚嘅事
 
「妳仲好記得果晚d野喎」
 
「咁我第一次，一定會記得架，我仲以為你會好似av咁不停轉姿勢」
 
「傻啦，果晚咁攰」
 
小祺挨住學翹，覺得自己非常幸福，佢望住自己左手手腕仍然存在嘅疤痕醒起自己想問學翹咩野
 




「阿翹，有樣野我終於記得要問你啦」「咩野呀?」
 
「點解…我割脈果晚…你會拎部Macbook黎搵我?你可以第二日先俾返我架」
 
學翹望住小祺時有d心虛，其實果晚本來係Rachel打算幫小祺keep住部機，星期一還返俾佢，就係Rachel行去搭小巴返屋企時，佢遇上當晚要留守當值嘅學翹，所謂留守當值，其實只係坐係自己個位到上網睇片等電話等Call，基本上所有user都知道，5點半後學校所有部門都會關門、除左保安部、同埋校園宿舍嘅維修部，冇咩人知道供應部及安全部會有一位同事留到10點，同埋宿舍有同事會接call
 
學翹放工渣住車駛經校門時，見到Rachel行去小巴站，所以佢就慢駛，再拉低車窗
 
「郭曉昕小姐，請將妳個死人頭擰轉90度，望向妳嘅右邊」
 
Rachel見到學翹部車後，冇問學翹會唔會車佢返屋企，就跳左上車
 
「嘩嘩嘩!!!妳真係唔客氣喎」
 
「咩呀!?哦!即係Suki上車就得，我唔得呀?」「拿!我冇講過呀」




 
學翹車住Rachel返出市區
 
「喂，人少少，問你問題啦」「問啦，有咩問?想我幫妳手做lab?」
 
「超!唔係呀!」  「咁妳想問乜春呀?」
 
「你係咪鍾意Suki呀?」Rachel問呢條問題時嚇一嚇學翹，差d變愛膚堅
 
見到學翹心虛個樣，Rachel立即奸笑
 
「哎唷，我真係冇估錯喎，你自己根本一開始就對Suki有意思，所以先收留人地一星期，係唔係呀?」
 
「呀….妳唔好妄下定論先，我對Suki呢…..就….」
 




「有冇好感先?」 「好感一定有嘅」
 
「你鍾意佢d咩先?」「鍾意佢做事認真，又有少少傻」
 
「佢左邊臉有胎記，你唔介意?」 「唔會啦，我唔係外貌身材協會」
 
「呵呵」
 
學翹車住Rachel返屋企，發現到Rachel手上有兩部機
 
「嘩，妳帶兩部機返學校呀?唔重架?」「呢部?呢部係Suki部Macbook黎架」
 
「佢部機漏左係lab呀?」「係呀，幫佢keep住先囉」
 
「咁呀…一係我幫妳拎過去西灣河俾佢啦」




 
「你想見下Suki咋?」  「妖!妳咪理啦」
 
Rachel放低小祺部Macbook係座位前嘅箱
 
「拿!交俾你啦，好好地享受同Suki相處下啦」
 
學翹送Rachel去到佢屋企樓下，然後開車過西灣河
 
部車去到小祺所住嘅屋企樓下，熄匙，拎埋部Macbook行上去
 
於是，佢就發現左小祺嘅事