係同屋室友?定係同居密友?: (S2)03. 校花校草

校草一入黎時，就有幾個女同學痴埋去，即使大家畢業多年，佢依然魅力不減
 
「Suki妳唔埋去呀?」一個知道小祺秘密嘅同學問佢
 
「唔洗啦，我又唔係佢嘅後援會會員，而且班花唔係佢女朋友咩?」
 
「下?妳唔知架?」
 
「知咩呀?我一向都唔八掛架啦」
 




「校草佢根本冇同班花拍拖，所有野都係班花自己FF出黎」
 
聽到呢個消息時，即使小祺平時唔八掛，都搞到佢八埋一份
 
「咁爆?喂，一陣慢慢講我知，班花佢黎唔黎呀?」
 
「佢當然黎啦，不妨同妳講丫Suki，有傳聞校草鍾意果個係妳喎」
 
「下?咪…咪玩啦，果時我又唔識打扮，又住保良局，我邊度會有人鍾意呀」
 




「原來妳同校草係雙向暗戀，一陣要爭取機會喎」 「爭咩取機會者」
 
如果係以前，小祺聽到呢個消息應該會好開心，開心到幾晚都瞓唔著，少女的心思，情來時沒法子
 
不過今日小祺聽到後，自己覺得唔關佢事咁樣
 
小祺同一班比較傾得埋嘅同學坐埋一齊，大家有講有笑，講過去，講生活，少不免講到感情生活。一堆同學之中，有人準備結婚，有人結左婚，有人做左父母、亦有人結完就分，而小祺，就係單身狗一族
 
「好彩你地D嫁左娶左嘅冇帶另一半黎，如果唔係，成晚睇住你地派狗糧都唔知點算」有同學講笑咁講
 




「Suki妳係大學咁多年，有冇搵到男朋友呀?」 「下….我…我仲係A0….」小祺有d怕羞咁講 
 
「A0!?」 小祺點一點頭「咁我只係掛住讀書….都冇時間去識男仔」
 
「但係做Group project呀lab呀果d都冇識到咩?」
 
「識就有識，不過….完左就再冇聯絡」
 
「Suki妳想一世唔嫁人呀?」
 
係大家問緊小祺感情生活果時，校草走埋佢地果到坐低，而且佢仲坐係小祺隔離
 
大家見到校草坐落黎，顯得非常興奮，個個打眼色俾小祺叫佢上
 
「Suki，妳而家係大學到做野?」




 
「係呀，Victor你呢?」 「我做bank tailor咋」
 
Victor上下打量小祺「妳成個人變哂咁，愈大愈靚女」
 
聽到Victor咁讚自己，小祺不免有少少開心，始終果個係佢學生時代暗戀嘅對象
 
「你唔洗陪女朋友咩?Jolin係果一邊喎」小祺用眼色同Victor講
 
「Jolin?佢唔係我女朋友黎架」「但係以前你地唔係傳得好勁咩?」
 
「妳都識講傳啦，邊度會係真，咁耐以黎我都冇同佢拍過拖」
 
「咁呀，我真係唔知囉」
 




小祺白白嘅皮膚搽左bb cream之後就顯得更白，雖然佢身材唔突出，不過都唔係板一塊
 
「佢埋黎啦，你好好同佢傾計啦」
 
Victor其時一瞼無奈，因為Jolin唔係佢杯茶。由中學開始，Victor鍾意嘅係冇咩人會留意嘅灰姑娘小祺
 
由於Jolin嘅「助攻」小祺得以脫身，不過Victor應該有心接近小祺，因為佢坐低後，佢地果檯剛剛好Full哂
 
既然係放題，大家都會盡情咁叫，小祺同其他人都係一樣，鍾意食刺身之類。席上嘅同學都好似有意撮合佢地，所以，有同學提示俾Victor知道
 
「Victor，Suki鍾意食刺身同蟹粥喎」
 
「收到，立即落單」Victor用I pad幫小祺落單
 
「呀….唔洗麻煩你啦」 「冇所謂啦，男仔幫女仔係應該嘅」




 
之後其他同學起哄，小祺有點尷尬咁坐係到，而Jolin就一臉不滿咁望住佢地