[重口味] 那些年,上過我的男孩們.: 第一回 處男下海

第一章 叫雞又有乜好怕喎
 
第一回 處男下海
 
大部份香港人都對一樣家庭電器非常憎恨，但係無咗佢又唔得，就係個鬧鐘。
 
志豪同其他後生仔一樣都係好唔鐘意聽到個鬧鐘響，不過今日有小小例外。
個死人鬧鐘準時九點鐘就dododo響，志豪眼濛濛諗都唔諗就拍息佢，張床實在太舒服可以的話磨多半粒鐘先起身，不過合埋眼唔夠一分鐘好似記起d野即刻成個人彈起身。
 
雖然成晚都好似無瞓過咁到咗差唔多天光先瞓著，青春期好多少男少女都應該試過，嗰種係床上面囉囉攣真係好攰下，不過都無阻志豪今日超靚嘅心情。


 
起身之後即刻狗衝去廁所刷牙洗面，然後攞埋個書包準備出門。
 
［豪仔，唔食埋早餐先？做乜咁早出門口呀？］志豪亞姨邊做家務邊問。
 
［我今日要去同學到溫書之後再去補習呀，重有我無咁早返唔洗煮我飯啦。］志豪講完就打開門出去，不過行咗幾步就停底行返轉頭。
 
亞姨見到就問：［唔記得攞野呀？］
 
志豪話：［唔記得同亞媽講聲。］


 
佢走去個神台面前點起三支香，然後向神台上面一張相拜一拜，之後插上三支香講：［亞媽，我出去啦。］
講完又再攞起書包，今次真係走人。
 
亞姨望住志豪咁生性都好開心，佢行埋神台對住張相講：［妳見唔見佢幾生性，總算無白費妳心機。］
志豪亞媽好早就走咗，由細到大佢都係同亞姨一齊住。
 
攞住書包去跑去坐巴士，由上水落佐敦要成粒鐘，好彩預多好多時間咁就一定唔會遲到。
 
志豪做乜咁緊張？正常有邊個後生唔關心自己學業丫，不過今日唔係學業問題，而係上人生另一個重要課題，就係約咗女去開房。


條女並唔係同學，而係佢學人玩app喺網上識嘅，用咗成個月時間先氹掂條女出嚟。
 
對於任何一個人嚟講破處絕對係一件極之重要嘅事，特別係十幾歲青春期，志豪當然唔例外，未爆房前己經做咗好多心理準備，諗好晒點玩點做插幾多下停底再轉姿勢，一路係個腦入面不停預演。
 
坐坐下巴士不知不覺就到咗佐敦，約咗去一間全自助式時鐘酒店，見未夠鐘就係喺酒店樓下食過豐富早餐保充體力。
 
特登搵個窗口位坐，一路望住條街順便睇下會唔會見到今日位女主角。可惜佢食完都唔見人，望望手錶見差唔多夠鐘就自己先行上去攞房。
 
人生有d野總有第一次，去酒店爆房係其中一樣，不過呢d野唔係好見得光所以先有全自助式酒店出現，志豪戰戰驚驚咁上到去大門口，攞部手機出嚟睇下個密碼，喺大門撳咗幾下個門鎖就開咗，行入去乜人都無只係見到一條長走廊，左右都有幾間房間，每間房門上都有一個號碼牌，一邊行入去一邊望下d門牌號碼，呢條走廊都唔係好長，不過佢行得特別慢，因為成條走廊都充斥住叫床聲，原來咁多人同佢一樣一早就去開房，後生都係比較好奇，所以佢係每一間房前面都停底聽下，有女聲，又有男聲，甚至係兩把男男聲。。。。
 
終於望到自己要入間房個門牌，［205號房，係呢間啦。］於是又再睇下手機個msg撳埋個房間密碼。
 
開埋房門鎖就推開門入去，見到間房好簡單無乜花巧野中間有一張King size大床，房間簡潔得黎幾整齊，呢間房係佢自己楝，原因係間房幾面牆上都有鏡，咁樣佢就可以多角度睇同條女做緊時個表情同姿勢。
 
放底個背囊坐係床上面，諗起一陣就可以破處真係又興奮到硬晒，今日呢種硬下軟下硬下軟下嘅狀態都唔知己經第幾次。


 
望一望手機差d唔記得send個大門鎖密碼比條女，於是就立即撳手機，對方好快就回佢：［上緊嚟啦。］
 
見到呢句開心都爆唔知坐好定企好，好心急咁行去門口，聽住出面有無人，因為想要第一時間開門。
 
果然等咗都唔夠三分鐘，佢已經聽到門口有聲，志豪都唔等對方叩門就即刻打開對門。
 
當佢一打開門，見到有位著住緊身連身裙，條裙短到啱啱好唔走光嘅女人企喺面前，性感程度就好似準備落老蘭溝仔嗰d女咁，理論上見到一位咁大誘惑嘅女人企係面前應該好開心，但係呢一刻志豪不單唔興奮，佢直頭鳩到縮埋，因為呢位著得好性感嘅女人係一位肥師奶，件衫緊到好似包住一舊火腿咁。
志豪心諗：（仆街啦，中大伏。。。。）

~未完待續~