綠帽日記(粵語): 21:轉折點

「你個仆街想點啊！」阿樂用力掙扎。

「哈哈 索帶你郁唔到㗎喇，放棄啦」阿軒笑得好得戚。

「係喎 我記得你下禮拜生日喎，我一於送份最特別嘅禮物俾你」阿軒繼續講。

阿軒講完無幾耐即刻捉住我隻手，再順手抱住我將我抱入去佢懷抱裏。

「啊」阿軒呢個舉動有少少整痛我。



阿軒好深情咁望住我，我亦都係目不轉睛咁望住阿軒對眼，我感覺到佢對眼好似識放電咁，我個腦已經完全空白狀態。

「你唔係咁過份，即刻放開采兒！」阿樂見到咁嘅情況眼都突埋。

我同阿軒對望咗成十幾秒，佢又唔出聲，搞到我又唔好意思出聲，大家都無進一步行動，我唯有擰側面舒緩一下呢個尷尬氣氛……當我一想側面嘅時候，阿軒即刻捉住我下巴…

「采兒，我同佢你鐘意邊個多啲啊？」阿軒想用激將法刺激阿樂。

「下？我…嗯？」我都未講完阿軒已經錫我個嘴唔俾我出聲。



「你竟然！？」阿樂已經勁嬲。

阿樂用盡全力想掙扎，但無奈嘅係佢雙手同雙腳都俾人用索帶綁住，唯有眼睜睜咁望住我俾阿軒佔便宜。

「采兒，你嘴唇真係特別香」阿軒繼續去用呢啲說話刺激阿樂。

「嗚嗚…點解啊…點解每次都係咁啊…」阿樂已經放棄掙扎仲有啲眼濕濕。

「？？」我好奇咁望住阿樂，我覺得佢係話中有話，因為佢平時唔會咁講嘢。



「點解你每次都搶走我鐘意嘅女仔啊…嗚嗚」阿樂好無助咁真係喊出來。

「哈哈 我係特登㗎傻仔」阿軒話。

我諗唔明…即係已經唔係第一次咁樣？

(故事仍再繼續。。。)