本來諗住對付班電話cold call, 點知攪到自己爭d無命: 37

唔知佢用咩嘢方法知道我住邊，巴兩星阿珍主動嚟到搵我，話睇中咗我。佢見到Celia，就問係咪我伴侶，同埋我哋係單一伴侶組別定係多人伴侶組別。我話地球普遍行一夫一妻制，佢一聽之後有d失望咁飛走咗。

「我煮飯俾你食吖。」身旁嘅Celia，個樣好甜。

親身經歷咗簡單直接嘅巴兩星人戀愛模式，佢哋無分邊個性別要主動邊個要被動，總之鍾意就去馬。而拒絕都係好直接，不過我其實只係想同佢介紹番地球個種婚姻模式，可能唔識表達，令佢誤會我拒絕佢，同埋Celia係我老婆。不過對呢位巴兩星阿珍，我諗我只係情感上投射，個樣似丁寅星阿珍之餘，連名都咁啱一樣，一下子攪到個腦有d混亂啫。

而我身邊嘅Celia有可能以為我當咗佢係老婆，咁我之前同佢執過一劑，講真個次之後，都開始對佢有d好感，始終朝見口晚見面，佢個人其實唔差，有時都想再嚟多鑊。

呢度嘅生活，由於時間太多，而我哋幾個會玩番地球嘅玩樂，例如打牌，唱k咁做消遣，但時間耐咗，都開始覺得無聊，於是情不自禁咁又同Celia攪嘢，次數重越來越多，攪到佢個洞穴都濶晒，不過佢有咗經驗之後，無可否認玩得放咗好多，佢變得好主動，大家都成日攪到筋疲力盡。





同埋依家佢個樣勁有女人味勁索，佢同我一樣，明顯連地球咩嘢樣都唔記得晒，呢度對我哋嚟講簡直係天堂。

Celia話同我一齊好幸福，係邊度已經無乜所謂。佢都係傳統個種戀愛大過天嘅女人，咁我都回應番我都好幸福，佢最寶貴嘅野俾咗我。

我哋最終決定咗就算知道點樣返番去，都唔會再返地球，因為後嚟我哋知道咗好多嘢，不過我唔想講啦，我曾經係地球人，講出嚟都覺得羞恥，唔想講出口，或者遲d再有機會先再講，總之地球人太邪惡，一次過利用咗兩個外星文明，重利用埋我，講嚟講去為咗私慾霸權，就算霍醫生個班都唔係咩嘢好人，最無辜係珍妹同美玲，兩個善良嘅丁寅星人，被地球人利用。

入咗籍，有咗晶片之後，我倆時間變得好充實，尤其係接埋兩老過嚟之後，佢哋都好快適應到巴兩星生活。我同Celia嘅感情越來越濃烈，我哋決定跟番地球個種單一伴侶。

不過後嚟得知，無論係巴兩星同丁寅星，都原來有種類似嘅復活機制，人死之後起碼有一次復活機會，而兩個星球係姊妹星球，有機會係另外一個星球復活，咁個次遇到個個巴兩星阿珍，莫非真係佢………..





全文完