本來諗住對付班電話cold call, 點知攪到自己爭d無命: 20

隻雀重伸佢條鮮紅色既脷出嚟，我無從躲避，俾佢卷咗入佢個血盤大口內。我今次死緊啦。

佢D牙開始𡁻埋嚟，我痛到入心入肺，係個意識開始迷糊嘅時候，我諗起妹妹仔d陰毛，救命要緊。

但問題係我無手攞出嚟點算呀？不過好戲劇性咁奇蹟出現，我感覺到有團光係我個身激射出嚟，跟住好似大爆炸咁，轟一聲就見到血肉橫飛，本來吞咗我個隻大雀一命嗚呼。其他雀見到咁嘅情況，走都走唔切。

好彩咁執番條命，不過我成身都係血，都唔知係自己定係個隻死雀，隻雀屍又係自動消失，無留半點痕跡。

我係咁屌柒隻錶點解無警示，佢話俾d不明電波干擾失靈，好彩妹妹仔d毛夠power，唔係我已經被咬碎。





我係褲袋摷番輯毛，完好無缺。咁即係可以多次使用啦，咁我個心都定d。

隻錶係咁同我耍冧，我同佢講話咗敵人唔係咁雞啦，佢話會好好檢討。佢忽然間咁人性化嘅？

行下行下開始落山，見到一大塊好似農田嘅地方，經過先前嘅險情，都唔理隻錶有無提示，攞定把劍出嚟先。不過隻錶即刻回應叫我放心，話個度住個個係自己人。話咁快行到間石屋，見有好多衫掛晒出嚟，即係有人住。但呢度係虛擬世界，d人住係度有何目的。

隻錶叫我敲門，個度係實心木門，表面上同實體世界個d無分別。好快有人應門，重係個美少女。

隻錶同條女講係志願軍，之後射咗d藍色光束，著住短裙嘅美少女用隻手接住d光，幾秒後回應身份確實。





一入到屋，見屋內設備，同一般屋企無乜分別，間隔更加似紅磚屋，又係有間雜物房。個美少女見我有d血漬，叫我冲涼先，我當然話要，我成身血腥味好難頂。

我冲涼時先發覺自己一個傷口都無，但明明係俾隻怪雀大野咬落嚟痛到嗌救命，但依家無傷口兼完全唔痛，心諗如果實體世界都係咁就好囉！

個美少女d感覺同妹妹仔好唔同，好似幾港女咁，剛才可能聞到我d血腥味塊面即刻黑晒，之後叫我冲涼都好似好命令式咁。入到屋又水都無杯。不過隻錶話佢係自己人，即管忍住佢先。

冲完涼之後，我問佢條用過嘅毛巾，但佢居然串串貢咁話：

「你自己搵囉！」





大佬我第一次入嚟鳩知你d嘢擺邊咩！原來我無睇錯，虛擬世界都有港女，啊唔係，係外星人都有港女至啱。睇真d個樣，塊面四四方方咁，頭髮又悍，妹妹仔靚佢好多。

佢打開咗雜物房，要我攞件兵器同佢對練，間房d武器多過紅磚屋好多，刀劍槍炮乜都有，攪到我眼花撩亂。

「你快撚d啦，鬼食泥咁」呢句真係攪慶咗我。我見有碌炮，就嚟手攞起，想一陣間教訓下佢。

點知佢係咁係度喪笑……