本來諗住對付班電話cold call, 點知攪到自己爭d無命: 14

佢話到我升到level 5就會同我做，我重係level 1，有排。但咁講我重心癢癢，點解唔依家姐？之後又繼續唔停咁操，不過唔知係未我個腦轉得快咗，我成功椿咗佢幾下，攪到佢要停低。

我見佢個樣幾痛，即刻輕攪佢安慰下佢，佢個身好軟好香。

但佢個樣重係好開心，讚我進步得好快，重話我係個奇才。我個刻諗真係想快d超越佢，睇下佢個腦諗乜。

當然更加想上到level 5,同佢執番劑。

「你忍吓先啦！」
「咁你下次唔好著裙啦，你一起腳被我𥄫晒你條粉紅色底底，攪硬我呀。」




佢塊面又紅晒，攪到我好想攪住佢啜番啖，成個山谷得我哋兩個人，唔通真係廿四小時都練功咩！

不過練完功，我哋最終都係坐低傾吓計，呢輪發生嘅野d始末，我重未攪得清，真係好想知個真相。我問空戰個日我點解返到現實而佢哋唔得，佢唔係好確實咁話可能因為我無戴頭盔。我同佢傾個陣覺得佢好多嘢隱瞞我，不過因為佢識睇到我諗乜，我無將個諗法停留喺腦海太耐。亦唔敢諗太多嘢，唯有見步行步啦。

「遲d你會慢慢明白個真相㗎啦。」又係呢句。

個晚我哋去咗間紅磚屋瞓覺，個度距離練功個山谷只係五分鐘腳程。妹妹仔話呢段時間會住係度。間屋得一層，間開咗兩間房，入面所有傢俱電器齊全。兩間房各有一張單人床同高身衣櫃。

妹妹仔原來識煮幾味，重整咗我最鍾意嘅腐乳炒通菜，爭D唔記得咗佢知我d嘢添。但可能之前我問佢嘢佢有d答非所問唔講真話，食飯個時無乜點講嘢。但佢都算幾好客，食完唔駛我洗碗。同埋又幫我洗衫，攞住我條底褲放入洗衣機都唔介意，幾有以前女人個種賢良淑德。至於我條女？唉！識佢個時連微波爐都唔識用。





我唔記得咗佢識讀心，個諗法停得耐咗，佢個樣即刻笑晒冧晒，個刻對佢多少放低咗d戒心。況且到我升呢超越咗佢，我就會掉番轉知佢諗乜，到時就真相大白啦。慢慢嚟唔駛急。

個晚各自分房瞓，瞓瞓吓感覺到佢幫我冚被，佢真係好溫柔體貼。

如是者之後每日練功同食住家飯，我哋越來越熟絡，有講有笑，有時一齊煲劇唱吓K打發，越來越似兩公婆。我好快升呢到第三級，我d身手除咗越嚟越快，大腦意念更加得心應手，同妹妹仔對打，已經變到五五波，唔駛捱佢打，同埋我開始睇到佢d諗法，當中有d唔講啦，但總之好sweet sweet。

我要開始學兵器，佢係雜物房攞咗兩把劍。同空手對打一樣，係用意念控制。為咗唔傷到對方，佢教我將把劍諗住無能量值。我好奇問劍如果高能量值會有幾大殺傷力，佢示範俾我睇，把劍即刻變咗深紅色，一劃之下，山崖個舊大石即刻割斷，再加幾吓，即刻變咗碎石。

操咗幾日劍，我都識割爛舊石，我懷疑Marvel班幕後嚟過虛擬世界。妹妹仔話去到高level，會真係好似Iron Man咁，手心射出激光。





咁我真係要再俾心機操啦。

今晚妹妹仔打開部電視，有頻道可以接駁番現實世界。仆街，香港好似立立亂咁，金鐘政府總部個破產管理局，排隊申請破產d人，條龍排到去中環，重有打劫搶野係咁發生。好在老豆老母無乜嘢，但好似痴痴呆呆咁。至於我條女？佢攪撚錯呀，拖住第二條仔？

「個個係富二代，你條女借咗財仔無錢還，唔知點算，走咗去做援交，咁啱有個客人，即係呢條仔，見到佢個樣算索，幫佢還錢媾埋佢，就係咁簡單。」妹妹仔話番俾我知。

我即刻喊咗出嚟…………