本來諗住對付班電話cold call, 點知攪到自己爭d無命: 1

「先生我哋有個免息分期喎，有無d數要清呀？」

「你哋d推銷喺未傻㗎，專吼人哋返工時間先打嚟。」

屌完佢，我緊喺拿拿淋收線，費事佢還拖。

香港真喺越來越痴線，D電話推銷好似失控咁。我部手機雖然裝左小熊，但個database未必update得切，點都會有d漏網之魚。

一日試過有十幾個呢d電話，重未包括個d假入境處假順豐呃人電話。政府應管嘅野唔管，正常野就諸多限制，好似遊行唔俾遊，攪市集又多多規矩。





依家又話要攪夜市，但我就唔睇好啦，到時緊喺唔俾乜唔俾物，無晒氣氛。況且香港人實在太忙啦，有開工無收工。好似我咁，我只喺一個Senior Accounting Clerk. 但我喺公司真喺乜撚都要做，訂文具要攪，貨到報關要攪，公司縮皮無請IT, 我做呢間得幾個人嘅公司仔，你話我駛唔駛兼顧埋？

試問收左工重有幾多精力行夜街？

我好唔明點解香港班cold call專吼返工時間先打嚟，你估呢度係外國咩？人哋有Work life balance, 返4日工，重喺好多WFH，班鬼佬實得閒聽你sell野啦。呢d工種喺香港，應該要淘汰，去法國開檔好過啦！點解係法國？人哋食個lunch都三個鐘啦，下世投胎，一定要做法國人，hea番夠本。

呢排趕住埋年結，Auditor又唔知點解話會早d嚟，最慘係我上一手喺度呃飯食，盤數攪到亂晒籠，要我晚晚OT執。但你班大帝成日打電話嚟煩鳩住晒我做野，攪到我好撚忟同入錯數。

我真係好想逐個屌到佢哋上天花板，不過人哋都係搵食姐，我又唔想玩到咁盡。不過唔知喺因為接太多呢d cold call，定喺公司太多野做，我d脾氣好似越來越差，精神緊張，重成日失眠。





放假多數喺屋企瞓覺，但輪到班電騙攪攪震，一聽就同你講乜乜入境處最後通知，你電話帳戶出現異常之類，攪到我坐立不安無得休息。

我老豆話佢後生個時用call機，唔會有呢d古靈精怪野。個晚食飯同我講講吓，輪到佢接到個d借錢推銷電話。老豆比較好相與，只喺會回應唔駛啦唔該。但我就無佢咁好包容，一家人得星期日先可以齊人食飯，想好好傾吓計呻吓返工d事，但你哋就成鳩日打嚟騷擾，阻鳩住晒。

唔夠兩分鐘又到老母電話響，今次唔喺借錢，喺美容。我驚電騙，拿拿淋叫佢收線。

「阿仔，你唔好咁緊張啦！」

經老豆提醒，我先發覺我成個人標晒冷汗。事實上，我呢輪一聽到電話響，個人真喺會跳一跳，個心重會有種唔知點形容既不安感。





我甚至開始有種電話恐懼，我直情叫我d朋友有嘢What’s app 左我先，唔好直接打嚟。如果唔喺隨時無端白事被我屌。

睇嚟，我要諗吓辦法對付d電話推銷，政府唔做，我嚟做啦！我不入地獄，誰入地獄？我諗我因為呢d call攪到神經質……