鏡像密語: 第二十四章、終於等到他約我去迪士尼

「洛妍，你最近有心事？」煇爺約洛妍單獨食lunch 個時問。

「嗯⋯⋯」

（佢到依家都係舉旗不定咁⋯⋯）

（想揀同我一齊但又怕佢女朋友做傻事）

「咁不如講出黎？」





「不如⋯⋯我約你出去同你去挽一日？」洛妍直接問煇爺。

「有靚女約一定會到！」

「認真我想透下氣！」

（我想透下氣！我好唔開心，想要人陪）

「得，我都好耐冇去透下氣！夠唔夠膽比個期我？」





「知激將法對我好有用！就星期六！」

「洗唔洗同丫言講聲？」

「唔洗！但點解我要同佢講聲？」

「佢一定會呷醋囉」

「⋯⋯」洛妍沉默左。





（喂我未係佢女朋友喎，到我係女朋友佢先管我啦！又想一拖二？）

（我愈黎愈覺得佢過分⋯⋯咁係咩意思先，自己唔約我都唔比人約我？）

亦言同洛妍識左差不多三個月，但佢地都冇單獨出過一次街。甚至洛妍有時都暗示下亦言，但亦言都係無動於衷。

（佢會唔會嬲？）

（關我咩事？）

（我中意同邊個出街都好，都唔關你事，做咩要諗你感受？）

（你唔係我男朋友！哼！）

⋯⋯⋯





「喂，洛妍，唔去啦唔去啦！」煇爺靜靜雞走過去洛妍個位。

「做咩事？」

「丫言嬲豬丫⋯⋯」

「下？」

「走先走先。」煇爺行返返去自己個位。

洛妍一直抱住不解既態度直到放工，煇爺都冇再同洛妍交流過，洛妍今日一整日都覺得煇爺有啲陰陽怪氣，平時好多野分享既佢今日靜左好多。

洛妍已經有一段時間冇收到某人既night call，但今晚突然收到⋯⋯





「訓左未？」
（又係呢把熟悉既聲音）

「未⋯⋯咩事？」

「一定要有事先可以搵你？」

「唔一定⋯⋯」
（你有冇事都搵我嫁啦（？）

「但我又真係有事想講⋯⋯」

「？」

「我其實唔識講（我感受），聽講你約左煇爺出去挽？」





「係丫，咁都『冇人』約我，我咪約人囉！乜你唔想咩？」

「我唔想⋯⋯」

「點解？」
（成日要人逼先開口）

「因為⋯⋯我都未同你出過街，點可以比煇爺早先過我約你！」

「你冇約我⋯⋯」
（咪繼續囉）

「我有苦衷嫁！」





「解釋丫⋯⋯」

「我想處理好同女朋友單野先⋯⋯先至約你」

「哦⋯⋯」
（呢個理由勉強說服到我啦，勉強囉！）

（咪口硬啦，梁洛妍又心軟左⋯⋯）

（咁徐亦言有咁既覺悟都算係咁啦！）

（算你啦⋯⋯徐亦言）

「之前問過你，問你睇唔睇鬼片既，其實我已經算係約緊你。」

「咁我真係唔睇嫁嘛！」
（我真係唔該你喎！）

「所以⋯⋯我咪笠水囉」

「咁你係咪唔想我同煇爺出去？」

「冇野丫，我冇嘢喎，去啦」
（口不對心你最勁）

「咁我去馬啦！」洛妍故意試探。

「誒！等等先」

洛妍真係好識扮野，特別係「扮走搏挽留」。

「嘻嘻！」
（奸計得逞！仲trap你唔到？）

「你真係幾佻皮嫁喎！」

「係嫁！咁你唔想我去你咪講囉！」
（你個金牛座，呷醋又要威又要帶頭盔）

亦言隔住個電話，低聲哼左一下。

「唔去啦唔去啦！」洛妍笑住講。
（知你呷、知你呷、知你呷醋啦！）

「咁⋯⋯你迪士尼張年卡幾時到期？」亦言深呼吸左一下。

「今個月4號。」
（你想點丫？睇死你得個問字）

「咁你星期二攞假？」

「我一早攞左假」
（我本身就打算自己入去挽）

「咁啱我都想入去睇下米奇老鼠」

呢句引到洛妍發笑。
（唉⋯⋯靚仔真係大晒）

「咁你開google search 相咪有囉！」洛妍忍笑。

「咁又唔好，有真人睇梗係睇真人嫁啦師兄丫」

一頓爆笑輸出中⋯⋯

（笑死，好中意聽你兜，次次都有新藉口笑下）

（終於捨得約我啦咩⋯⋯）

（益左你啦！）

（唔知一齊去會點呢？）

「嗯，咁你星期二都攞假啦！」

「好丫！」


（續）