鏡像密語: 第二十二章、第六天的那個晚上

自從個日起洛妍同亦言都冇再講過一句說話，洛妍一直返工都心事重重，只係覺得返工見到亦言既身影都覺得刺痛緊自己個心同對眼，特別係當亦言唔再好似以前咁成日望洛妍，洛妍都知亦言好似有意避開自己，唔再成日出現係洛妍既座位附近，洛妍呢段時間返工都覺得好痛苦。

因為大家都知由陌生人變熟人再變陌生人既心痛係點⋯⋯

（捱埋佢，一個星期姐，好快好快，下星期就放假，唔洗見到對住⋯⋯）

「呼⋯⋯終於收工啦！捱埋聽日，第七日放假嫁啦！」洛妍搭緊巴士返屋企個時先可以鬆一口氣。

直到洛妍臨瞓前睇到IG一張帖文，係關於占卜下你中意既人依家係點諗、點諗你地段關係。





步驟一：靜下心

步驟二：默念題目

步驟三：選取/感應你最有感覺的一張牌

洛妍揀左第三張，張牌係紅色底，上面有兩隻獨角獸，獨角獸對角有兩朵玫瑰，一紅一藍。

洛妍好純熟咁翻睇結果，因為佢自從同亦言斷聯之後就日日睇、日日占下，結果有時準有時唔準⋯⋯





（其實呢啲野準同唔準都好我都會做既，因為本身占卜就係一種尋求自我安慰既方法，為既係想比個希望自己，等日子可以好過啲⋯⋯）

第三張牌解讀如下：

「TA想對你說：你總是讓我猜不透，我想走近你但一直找不到機會，你也在一樣在想我嗎？我們之間還未結束，就算我們暫時見不到彼此，但我可以感覺到你還未放棄，我們需要見面，只有當見面才會見到你真實的反應，我肯定你會有不同的感受。沒有把握那些可以和你自由自在交流的日子，是我問題；我沒有想到你對我的影響會那麼大，在你身上我到了很多東西，你讓我意識到我渴望精神上的交流，就像遇到那個擁有共同靈魂的人，有你的日子豐富多彩。

但你為什麼要推開我？到底你想要的是什麼？請你告訴我答案，我會盡力辦到；或者我不能引起你的興趣，也請你明示我。

我不想這樣耗盡熱情卻百思不得其解，讓我們有一次面對面的溝通吧！無論結果是如何我都會接受，我只是不希望這樣的僵局就成了我們之間的結局。我會來找你的，但請你不要對我視而不見。」





洛妍睇完解讀之後雖然有一絲安慰但仍然存半信半疑既心態⋯⋯但佢開始默念一句：「我只是不希望這樣的僵局就成了我們之間的結局。」

（唔知佢係咪真係咁諗呢⋯⋯）

（但我唔想做主動開口個個）

（點解你自尊要咁強？開口咁難咩）

（點解要我搞到好似我追佢咁姐？）

（我都會想做比人追個個嫁嘛，佢以前比女仔追開，咁我係想做最特別個個姐）

（但你唔開口先，佢成碌木咁，可能就咁就一世嫁啦⋯⋯）

洛妍默默咁打開左IG，建立左一個新既帳號，寫左張帖文⋯⋯





（嗱，真係幫到你盡嫁啦徐亦言）

（如果你咁都仲係咁唔識做就真係抵你一世錯過我）

（唔知佢睇唔睇到呢⋯⋯）

（如果佢睇唔到呢？）

（咁丫？我咪直接send比佢睇囉，唔知佢會唔會估到個作者係邊個呢？）

（又話唔做主動？）

（一次半次咪豪比佢囉！）





（咪咁雙標啦梁洛妍，話人敢怒不敢言，你自己夠係敢追夢唔敢追男仔）

（你錯左，你望一望依家⋯⋯我有勇氣唔理佢唔睬佢，但我冇勇氣離開佢！我到依家個人都仲係呢到，職都未辭你就知啦）

（就算幾心痛都係未走⋯⋯都係唔想走⋯⋯都係唔捨得走⋯⋯）

（原來我自己都已經做左選擇⋯⋯）

叮———

「你原來中文幾好。」

洛妍終於見到一個好熟悉既人名係通訊欄彈左出黎。

「你唔係唔想我見到我嫁咩⋯⋯」





（咪繼續口是心非囉！明明你不知覺得幾開心啦因為人地睇到）

「？」亦言黑人問號。

「你行開行埋都避我，眼尾都唔望下我咁，你以為我唔知咩」

「乜唔係你唔想見到我咩⋯⋯」

「？」輪到洛妍黑人問號。

「煇爺話你有中意既人⋯⋯然後唔想見到我嘛。」

「哦⋯⋯你想話主席？但等等先我冇話過中意佢喎！我話主席幾好，做事有責任感咋⋯⋯冇話過唔想見到你。」





（至於我問煇爺點樣快速令人沉我⋯⋯原來煇爺唔明白我、唔明白女人心）

（係咪衰呢⋯⋯做左多搞到佢誤會左我咁多日）

（咁佢⋯⋯咪難過左六日囉⋯⋯）

（我靜係知佢既心痛應該不比我少）

（好啦好啦⋯⋯比多次機會你同我傾返計啦）

（一次咁多嫁咋）

「我⋯⋯我以為你諗清楚，打算同佢雙宿雙棲添，所以避開我。」

「你低估左自己既重要性啦」

「我係咪逼左你二選一，我良心過意唔去，但我又真係過唔到自己個關。」

下一秒，亦言send左張圖比洛妍，係佢依家既即時通話，代表佢依家就打左個電話比佢女朋友同佢講分手。

「唔好啦，佢會唔會好難過⋯⋯」

（但⋯⋯係咪代表亦言揀我？）

「你會唔會唔要我？」

（噗⋯⋯你點解咁可愛，邊有男仔問呢句，多數都係女仔問！）

（唔知嫁，我咁多個追求者！）

「但我其實一早打算咗做犧牲個個」洛妍淡淡然咁講。

「比個藉口我去你身邊啦」

「你唔係一直都係我身邊咩？」

「我想你擁有我」

（我都係⋯⋯）

（不過我怕你女朋友同唯楓都會做傻事⋯⋯）

（究竟點先可以兩存其美？）

（雖然我係好心煩，但我已經拉唔返個嘴角返黎，因為呢個人真係為左我邁出左一步）

（我終於可以叫——光明正大同佢食飯、傾計）

（今晚⋯⋯發夢都笑醒）

（嗯，晚安亦言）


（續）