我只是一個DJ！: Letter Two. 倩女幽魂？

「歡迎返嚟『鬼怪郵局』，我係林正言，今晚有德仔同嘉希，仲有馮師傅繼續上嚟同我哋傾偈。」林正言向著咪高峰說。
 
此時直播的聊天室觀看數以直線急速上升，證明了馮師父的人氣其實蠻高，縱使他說話的真實性多少會令人懷疑，但他卻有一種說話的吸引力。

「各位聽眾大家好，又係我馮師父呀，多謝大家支持。」
 
「阿馮師傅，今日好似有啲嘢想同我哋啲聽眾朋友分享㗎喎。」德仔幫忙引導著這一集的節目開場。
 
「係呀！上個禮拜講開陰陽眼吖嘛，我返去嗰陣諗起一套舊電影——見鬼10呀！有冇睇過？」
 




「嘩！套嘢零五年㗎喎，都有啲歷史呀吓！」德仔笑說。
 
眾人安靜地聽馮師父講出自己對電影的看法，以及分析裡面的內容，聽眾對裡面的見鬼十法討論度愈來愈高，在聊天室瘋狂留言。
 
「嗱！呢十個方法唔好亂試呀！出咗事唔好怪人！喺香港要用到呢啲方法其實就好難嘅，咩換死者嘅眼角膜，搽屍泥呀噉，我相信你就算真係喺泰國都未必做得到。」
 
馮師傅見大家都沒有發言，便繼續說「室內開遮、零晨對住塊鏡梳頭同倒樹蔥呢啲就好容易做到，但係我都唔建議大家特登去做，見到唔一定會令你興奮，分分鍾仲會舐嘢添！」
 
德仔此時插話打斷了馮師傅「唉！我成日都做呢幾樣嘢，屋企細唯有打開把遮吹乾，噉夜晚出去飲嘢一定會梳頭㗎，做運動嗰陣有時都會倒樹蔥，其實好難避㗎喎！」
 




「唔怪得你印堂發黑啦！唔好再做添呀！」馮師傅用誇張的語氣說。
 
聊天室更有一部分人有同樣的經歷，甚至還在做，不斷追問馮師傅化解的方法。
 
林正言見聽眾的反應良好，便繼續討論這個「見鬼十法」，當中也分享到一些以科學角度去解釋的討論，這一晚的節目也在氣氛高漲下告一段落。
 
由於聊天室的留言太多，大家沒可能在節目中一一看清，但嘉希卻留意到一則非常奇怪的留言。
 
「搵到喇！你哋過嚟睇吓，條友個留言好得人驚。」
 




我知道你可以睇到我！
 
「邊個玩嘢呀？留啲噉嘅言。」阿修喝了一口汽水後道。
 
大家都不以為意，類似的留言也不是第一次，通常都只當作是某聽眾的惡作劇，但這一晚卻例外。
 
「我知道你睇到我㗎！」一把女聲在林正言的耳邊輕聲說道。
 
「喂！阿言，你點睇呀？」嘉希問。
 
「有咩點睇呀？返屋企瞓覺囉，聽日要同阿媽飲早茶，走先喇，拜！」林正言並沒有在意耳邊的女聲，只自顧地跟同事道別。
 
步出工廈的那一刻，同樣的女聲，同樣的說話又再一次響起，而此時已經變成一般人說話的音調。由於林正言並沒有任何的回應，甚至可說是完全不知道這件事，女聲又再次提高聲線叫道「我一早知道你睇到我㗎！咪扮嘢呀！」
 
回到家，女聲還是一直在他耳邊不斷呢喃，講一些有的沒的，完全不給他一點休息的機會。林正言沒有露出一些異樣，脫光身上的衣物走進浴室準備洗澡。




 
女聲此時又繼續自說自話「光脫脫，有條迷你嘅芝士腸。」
 
林正言此刻有點被影響到，下意識用手遮掩下體。
 
「哦！你遮住！遮住即係聽到我講嘢啦！」
 
聽到女聲說出這一句，林正言把手放開，裝作若無其事繼續洗澡，但這時女聲又再度開腔。
 
「既然聽唔到，噉我舐吓條腸仔應該都冇咩問題啦呵！」
 
「屌！咪咁變態得唔得？邊有女鬼好似妳咁冇廉恥㗎？」
 
「嘻嘻」女鬼見奸計得逞，露出了一絲微笑。林正言立即用毛巾包裹下身且命令女鬼別過身去，好讓自己可以穿回衣服。
 




女鬼只好走出浴室，走前還故意拋下一句「頭先都睇晒啦，仲遮乜鬼吖！」
 
待他整理好自己後，走到客廳卻見吊燈不斷閃爍，但明顯知道這是女鬼要把氣氛弄得有點陰森恐怖而造成的，所以不以為然。
 
「妖！咪玩燈制啦！一陣壞咗又要我整，妳估平㗎？整一次成幾百蚊㗎！」林正言沒好氣地坐到沙發上，看著那個調皮的年輕女鬼說。
 
女鬼看似是一個現代「人」，穿著一件連身白色短裙。雙眼皮且眼睛大大，有著笑起來「眼睛會笑」的甜美容貌，清淡的妝容令她看起來更清純動人。
 
女鬼飄到林正言身前，雙手環抱著他的脖子，坐到他的腿上「我靚唔靚呀？」
 
「有屁就快放？係咪想我幫你燒嘢？」
 
「我想你幫我搵一個人！」女鬼斬釘截鐵道。
 
「我只係一個DJ，要搵人去警局啦，一係搵嗰啲高僧，再唔係去問馮師父。」




 
「條友咁廢，邊度幫到我㗎，你幫吓我啦！如果唔係……我日日睇你沖涼，舐你條腸仔。」
 
為了徹底解決眼前這個煩人的女鬼，林正言只好答應在不忙的時候才願意去幫忙尋找，女鬼亦善解人意一口答應，更提出會付上報酬。
 
「我叫葉小倩呀。」小倩笑道。
 
「今鋪真係倩女幽魂。」林正言抱頭喝著啤酒，後悔著自己那麼衝動答應，但另一方面，他在心裡卻在想「如果佢係一個人有幾好呢！」