Room 2046 列女傳: Chapter 2 - Miss，我下次唔敢喇…
一直苦思第2章寫邊一段往事嘅時候，作為甜故新寫手，咁當然要參考一下一眾「前輩」嘅作品啦！
而逐非正式統計發現，原來甜故嘅熱門女主角們好多時都離唔開空姐、OL、人妻 同 教師
唔…咁我明喇！即係平日越係「神聖不可侵犯」，喺性幻想嘅世界就越受人關注，
能夠將專業、正經、嚴肅 或者 權威嘅女性調教到狂野、放蕩就自不然有「收視率」，或者呢個就係甜故嘅「流量密碼」
得出以上結論，我個心忽然有種沾沾自喜。因為除咗人妻之外，空姐、OL同教師都喺我嘅歷史名冊上有所紀錄。
諗住應該手到拿來，輕易完成第2章啦！點知…靈感一直停留喺一堆鎖碎嘅情慾畫面上，對故事嘅起承轉合毫無頭緒。
就算敲定咗呢一章以教師做題材，連續幾日都係大腦閉塞，直頭拖稿拖到黑雨走埋都寫唔出片言隻字…
點解會咁嘅呢？…
最後，我發現原來我同教師果一段往事，不單唔同一貫「教師類甜故」嘅典型情節，更加無人哋寫到咁青蔥、咁浪漫、咁旖旎…
因為我嘅故仔同大家睇開嘅的確存在好大落差。
執筆嘅呢刻雖然都仲有所猶豫，不過我內心嘅魔鬼又同我講：「無事嘅…無話『教師甜故』例必要浪漫嘅…寫啦！仆街！」
一切都要講到10幾年前…
當時我喺銅鑼灣一間廣告Agency返工，不過我唔太鍾意喺呢開公司做嘢，成日都想搵過另一份工。所以hea住hea住做，
仲經常未夠4點就蛇咗去附近嘅樓上cafe飲嘢。而我…就係喺呢開cafe認識做中學教師嘅阿羚。我同佢嘅緣份係由一支「綠luck」開始。
喺未知阿羚係老師之前，我同佢喺cafe都叫有鷜面之緣。坦白講最初我留意到佢並唔係因為佢嘅樣子，而係一雙修長嘅美腿。
好多男人成日以後熱褲、泳衣、短裙、黑絲先可以凸顯女性腿部曲線，錯哂！
就以阿羚為例，佢第一次令我留低深刻印象，係著住一條tight-fit牛仔褲剛剛喺我坐緊果張枱隔離行過。
目測有44吋嘅長腿，可以話係骨肉均稱，雖然下盤並唔算果種誘人闊而有肉嘅曲線，但按比例嘅臀肉，挺而上翹嘅線條，絕對係上乘之美腿。
最正仲係無甚麼O型腿、X型腿嘅礙眼感。果一刻，我對眼係忍唔住不斷掃視佢腰肢到腳跟…
而當佢從洗手間行返自己張枱嘅時候，我終於見到呢個女仔嘅正面，一頭長直富光澤嘅秀髮，襯托佢4分靦腆6分掘強嘅容貌。
嘩！銅鑼灣少見嘅「清泉系女生」呀！
不過…之後幾次喺cafe再撞到阿羚。我先真正發現呢個女仔吸引我嘅地方 -- 違和感
就正如所以電影人物設定一樣，角色外表、性格、造型、背景如果有一種違和感，往往會令觀眾好留心去追看呢個角色往後嘅發展。
電影角色固然之要有呢種戲劇衝突，而現實人生中亦都會因為呢種衝突同違和會令人挑起內心嘅好奇，想進而了解對方。
講番阿羚，呢個女仔的確充滿令人好奇嘅違和感，我試下簡單講吓我哋幾次喺cafe相遇嘅所感…
黃昏6:00佢會揹住一叠功課簿嚟cafe邊飲咖啡邊改簿
外表斯文端莊嘅阿羚會改完簿之後啖一口醇萬
黑雨停課又會專登走番學校還課室鎖匙
最黐線都仲係8號風球唔使返學，佢專登出嚟銅鑼灣cafe飲咖啡…
「咦…阿羚，今日打風都返學？」Cafe老闆Terry問。
羚：「唔係呀…停課無嘢好做，咪出嚟坐吓飲杯嘢囉！…Terry，可唔可以俾個煙灰缸我？」
坐近水吧嘅我，呢一刻同阿羚眼神剛好接上。亦由於大家都係cafe熟客嘅關係，雖然唔認識，我同佢都禮貌地點頭打咗個招呼。
羚：「Hello…你又係打風無地方去所以上嚟？」
「打唔打風我都無乜地方去架啦…所以咪上嚟搵Terry囉。」
羚：「哦…」
喺Cafe hea有一個好處，就係當你見一個客人多幾次，又透過老闆Terry呢個橋樑。大家好快可以混熟，認識之後大家甚至可以坐埋一齊傾計。
羚：「Terry…可以借把遮俾我？我無哂煙，想落去7仔買…」
「er…我有煙喎。你食唔食薄荷煙架？我有綠Luck」我自告奮勇地向阿羚遞上香煙。
羚（雖然有點猶豫）：「ok呀…我都食薄荷煙嘅。」
「唔使落街買啦！我大把煙。我仲存咗一條喺Terry呢度」
羚：「你咁大煙癮嘅咩？要存成條煙喺cafe？」
「剛剛相反，我無乜煙癮，係見有人食，我又食支嘅social smoker。因為我做廣告嘅…其中一個client係煙草商，上親去開會都會成條煙咁隊埋嚟，我食唔哂，咪拎上嚟俾Terry囉…」
羚：「咦…點解你啲綠Luck個味道有啲唔同嘅？」
「識嘢喎！一啖就試到…係呀！我呢包有少少唔同，我前兩日喺東京返，呢包喺Lawson買嘅，係咪重味啲香啲呢？」
羚：「係喎…香港啲淡好多」
「香港綠Luck唔啱你嘅…你食慣醇萬…」仆街喇！唔應講果句都跣埋出嚟添
羚：「你都幾留意我喎…」
死就死啦！「無辦法！職業病！望慣靚嘢，戒唔到！哈…」
咦？阿羚對我呢個咁輕挑嘅回應，竟然報以一個微笑喎…即係唔抗拒啦
羚：「職業病？你做廣告又唔係賣古董，點會成日望我架？…咁我估你都知我做教書架啦？」
「Terry都有講過，而且我都見過你上嚟改簿。…正式認識你，你好我叫Aurther，你叫阿羚吖嘛？」
羚：「係！羚羊個羚。」
「okok…羚羊個羚，點解要咁強調呢？」
羚：「名係親人送俾自己嘅第一份禮物，我唔其他人搞錯嘛。」
「爸爸定媽媽改架？」
羚：「我嫲嫲…佢都係做教書嘅，做到副校長個位先退休。」
「原來係咁。」
多得呢場風波，令到我同阿羚終於認識咗，之後仲發展得好快。我哋不時都會約埋睇戲、睇舞台劇，不過一直都維持喺「友達以上、戀人未滿」嘅暖昧關係。
我有個行家兼損友叫「阿古」，佢話我同阿羚嘅關係次次都要靠打風落雨先有進展，全因為我同阿羚都唔敢貿貿然再開始一段新關係。
阿羚係咪咁諗我唔知，但我可以話係俾阿古講中。雖然距離上一段關係都有兩年，但心態上我仲未ready去同另一個發展。
因為去經營/維繫一段感情，所花嘅心力好大，但個心理關口都唔夠要重新適應一個新女伴嘅習慣、喜好、想法…等等，一諗就令我有少少卻步。
不過其實以上嘅都係藉口（我係後來先至敢承認），其實最大嘅障礙都仲係我唔知阿羚點諗。
今日，從電話傳嚟阿羚嘅聲音：「喂！審美專家！知唔知邊度有收買佬？我屋企有一大堆舊嘢想賣」
「我在個friend專收二手古物，你想賣咩先？」
羚：「好多喎…黑膠啦、絕版漫畫啦、煙盒、打火機、仲有好多儲落嘅火柴盒…」
「你戒煙喇？」
羚：「唔係呀，啲嘢我個ex架…我覺得係時候放低…啲身外物啦」
「多唔多架？不如你影相send俾我，我問吓佢啦！…吖！仲有，你今晚食唔食飯呀？」
羚：「我晚晚都食飯架喎…今晚…應該要食嘅…哈哈」
「你玩嘢呀？！咁7點銅鑼灣好冇？」
羚：「又銅鑼灣？唔好啦！我今晚想望住個seaview食飯呀」
「咁浪漫？！咁不如Harbour City啦！好冇？」
羚：「好吖！7點Harbour City見」