[GL] 重遇之後: 03

「嘩，你做望住塊豬扒乸埋口面？佢同你有仇？」坐在我對面的Susan不解地看著我。
「無，我諗緊嘢姐。」
「食lunch咪諗公事啦，對消化唔好呀。」
「邊個話我諗公事？」
「咁你做乜乸埋口面？」
「我前幾日撞返個小學同學。」
「小學同學？你個樣似撞到仇人咁喎。」
「唔係，佢係我好朋友嚟。」
「撞返friend子都咁嘅樣？吵過大鑊嚟？」
「唔係…只係大家十幾年無見，有啲唔知點好姐。」


那天在巴士上，我和Tracy得知彼此是對方的兒時玩伴後，她興奮地說我們那麼有緣能在茫茫人海中重遇，一定要保持聯絡。我們加了彼此的WhatsApp，然而一周過去了，對話框依舊是空白一片。
我比Tracy先下車，道別時雖然跟她說了句「得閒食飯」，但仔細想想，這句話可被解作是單純的客套話呢……
想到這裡，我發現Susan放下餐具，挑起眼眉奸笑道：
「呵呵，個死黨係男定女先？」
「做乜咁問？」
「如果個好朋友係仔仔嚟嘅…係咪有過內情所以先面阻阻？」
「小學生可以有咩內情？」
「咁點解面阻阻？」
「首先我哋無面阻阻，同埋個friend係女仔嚟。」
「哦，原來係囡囡嚟~咁無嘢啦~」


Susan頓時露出一副無聊的表情，我沒理會她，心裡只顧煩惱該不該主動跟Tracy聯絡。交換聯絡方式後，本來打算待個一兩天，要是對方沒找自己，就由這邊發點什麼。然而，連續的加班生活使人身心疲累，下班後只想盡快回家睡覺。就這樣放著放著，一星期過去了。現在想趁著午膳時間發點什麼，卻又不知該說什麼，我就這樣無意義地重覆著打開、關閉對話框的動作。
幾天後的某個晚上，事情終於出現轉機。洗澡後，我坐在床上漫無目的地滑手機，一個訊息通知從螢幕上方跳出來。
Tracy：Hi，呢排唔見你搭巴士嘅？
「Tracy…！」
我當然抓緊這個難得機會，連忙按下通知打開WhatsApp的對話框。指尖快速地敲打著手機螢幕，我連續給她傳了兩個訊息。
我：Hi，呢排要OT，無得準時放工
我：所以搭唔到你坐嗰班車
顯示於訊息右下方的雙剔號馬上從灰色轉為藍色。幾秒後，對方傳來回覆。
Tracy：你公司睇嚟真係好多OT
Tracy：差唔多兩個禮拜都無見到你


我：係呀，準時放工嘅日子真係少之又少
Tracy：咁我哋撞得返咪算好好彩？
我：都係㗎。
過了一會兒，Tracy又再發來一個訊息，令事情有更意料之外的發展。
Tracy：你星期五晚放工後得唔得閒？不如出嚟食餐飯？
我：好呀，星期五OK呀
我：你想食咩？
Tracy：無所謂呀，你呢？
之後，我們一邊詢問彼此喜好，一邊搜尋好吃的餐廳。選好地點後，我們閒聊了一會，於臨睡前互道晚安。我躺進被窩，內心為即將來臨的飯局感到興奮。