(短篇)(平衡宇宙)天與地的距離: 「Rock & Roll 的精神」

人生中每個不同的選擇，都會行出唔同的路

今晚我被另一個許家明的選擇救了我一命，就在千鈞一髮之間，他衝了出來，把我推回行人路上，而他自己亦跌在我身邊，右手手踭更加擦到流血。

我驚魂稍定，即時上去看看他的傷勢

「你無事吧?」我扶起了他坐在路邊。

「你無野呀就真? 有車都照過馬路，你係咪想死呀?」





我沉默不語，為自己的魯莽差點害死了一個人而自責

他見我無出聲，還先開口問我:「你今晚唔開心?我見你好似飲左好多，飲到湯喎。」

我:「係呀，因為計埋你我差些少害死左兩個人。」

他說:「哦，差點就即係未啦。你求先聽到晒我同我女朋友講D野?」

我不好意思地點了點頭





他: 唉，呀Yan佢就係咁硬頸，次次嗌親交都發皮氣走左去。

我: 但我睇得出佢好愛你，好關心你

「我知，但我除左識彈結他之外，咩都唔識。佢跟住我只會叫佢陪我捱窮。」

我地都沉默不語，望住天上的星空，今天的星好似特別多，特別光。

「其實我愛的人下星期要走了」我竟然想講給他聽。





「是嗎? 不會再回來?」他問。

「應該不會了。我之前說了一些很傷她的說話，而令她的家人不準我再見她。」我終於忍不住自己的情緒，哭了起來。

「我想係佢走之前親口同佢講聲對唔住，然後就消失係佢生命入面。」我邊哭邊說。

「你知唔知咩係Rock & Roll?」

我搖了一搖頭。

「其實每個人都可以為Roll & Roll定義。而我認為，佢係一種獨立自主、反建制、反封建、自由、和平、愛等等的精神。點解我地要依附係別人的一套價值觀身上來生活。點解我地唔可以有自己一套生存價值的演繹方式呢?」

我聽得目瞪口呆，一時間唔明佢講呢D野俾我聽ge意思。

「即係話我地每個人都要學會獨立思考，唔一定要人地點講你就要點做，做一個隨波逐流的人。」他說完後站了起來，拍了拍身上的麈土，之後再說





「我一直都鍾意夾band就係希望用我ge音樂將呢個信息傳開去，我始終覺得呢D除左係Rock & Roll的精神外，我地做人本來唔係就應該係咁ge咩?」

他回頭向我笑了一笑，我好似被佢ge說話打醒了一樣。

「但我無你咁有大志......」我低著頭說。

「你為左佢可以付出幾多? 你問下自己有幾愛佢? 如果唔見佢最後一面你會有幾後悔?」他走回對面馬路，騎上了自己的「綿羊仔」

「我都無資格話你，不過我都要去追番佢先，因為我知道我為左佢可以付出所有，亦唔甘心咁樣就係我地ge結局。」他戴上了頭盔，往下山路開了

最後，他回頭說了最後一句:「再見了，許家明。」

我連忙起身，向他叫:「你點知我叫許家明架?」





忽然我右手手踭感覺到一陣痛楚，原來我正在流血。

我再回頭望一望，已不見那橙色的帳篷，亦聽不到電單車的聲音。

我知道，呢個世界一定係有平衡宇宙，你隨時會係不知什麼地方，什麼時候見到另一個自己。

我相信