[重寫版][校園驚悚]從前有個校長，佢禁錮咗全校人: Day 4a 假冒者
10 ：00
有很多事能令兩個人化敵為友，例如一同被困在圖書館和怪物玩困獸鬥，就足夠讓我和Jason 冰釋前嫌。放下成見以後，我發現Jason其實是個滿好的人，和羅雨韋截然不同。先前的胡作非為，都是因為誤交損友，本性並不壞。
今日算是滿平常一日，早晨的鐘聲響過以後，黃美娜他們便回來了。Katie和我如常地分配糧食，放了一日的三文治，味道有點噁心⋯⋯
「小年！」Moon使勁拍我的肩膀，臉上帶着平常不見的凝重「我call唔到賢仔，你試下打比佢。」
「佢哋唔係返咗嚟咩？」我回頭查看，只見黃美娜一臉空洞地坐在角落，賢仔和Hinson則不見蹤影。
「你部電話邊度拎返嚟㗎？又話無帶返學。」Jason問。
「咪你㗎囉。」Moon隨手把他的手機掉走，氣得他暴跳如雷。
「但我明明見到有三個人影入咗課室。」我記得黃美娜先帶頭進課室，因為全班都在專心看朝早的投影，壓根沒人留意他們。
有古怪！
「Katie，你尋日話賢仔佢哋去咗邊度避難？」我拍一拍Katie肩膀，視線沒從黃美娜身上離開。程紀靜正在黃美娜旁邊講話，後者連丁點反應也沒有。
「咪喺一樓嘅空課室囉，賢仔親自打嚟講嘅，我好肯定係佢把聲。」如今一看，Katie也察覺到黃美娜的詭異。
她臉上的表情僵硬，彷彿戴上了人皮面具。雙目無神且神色空洞，宛如一個沒有靈魂的木偶。
「一樓嘅空室全部都死晒過人，同層仲有怪物嘅巢穴，佢哋邊夠膽喺入面留成晚？正路，只要隻怪物一走咗，就可以返嚟，點解要等朝早呢？」Jason冷靜地分析，此刻的「黃美娜」似乎注意到我們的目光，顯得緊張起來。
「假設佢哋無真係留喺一樓，段通話係假嘅。咁眼前嘅黃美娜，又係邊個⋯⋯？」我屏着息問，後背一寒。
恐懼漸漸攀上我們，這個A貨美娜，可能不是人，甚至是我們從未見過的第四隻怪物。Kyle的預言就有提過，其中一隻怪物是人型的，牠有可能是個會變臉的怪物，潛伏在我們身邊。
「你你你去問下佢。」可憐的Jason被Moon一把推了出去，沒有反抗的餘地。
程紀靜留意到我們四人行跡可疑，出乎意料地，她使勁對我們打眼色，並不動聲色地向「假美娜」點頭。
「美娜？」Jason說「你見點呀？」
「假美娜」的空氣瀏海被緊張的汗水沾濕，鬢角流下汗珠，放在裙袋的手也在顫抖。她知道自己已經敗露了。
本以為她會鬼扯一些話，試圖蒙混過關。誰知她竟然直接發難，從裙袋抽出鎅刀，刺往程紀靜。早已洞察此事的程紀靜，以驚人的反應速度，避過致命一擊。Moon見狀，立即撲上前，以肉身作盾，擋住接下來的攻擊。
Jason也不枉多讓，趕緊以狼力制服「假美娜」，打走她的武器。
「佢嘅技能係假冒者。」Jason宣布，恰巧，假美娜的技能正式失效，臉龐像蠟像般溶化起來。半晌，假美娜的面具被完全分解，露出真面目。
「吳芷晴？」班中有人認得她，一個臉頰長滿青春痘的中二級女生。
「係2C班嘅人。」Tony督定地指出，語氣急切。「你到底有咩目的，賢仔佢哋喺邊？」
知道對方不是怪物後，Moon也大膽起來，一把扯起吳芷晴的衣領，好讓Tony用鎅刀恐嚇她。
「佢⋯⋯佢哋喺禮堂，我哋都係想要糧食啫，唔好殺我⋯⋯」吳芷晴說到最後竟然哽咽起來，但Tony似乎沒打算放過她，繼續質問她。
我對Katie招手，走到其他人聽不到的角落談話。
「睇佢個款都問唔出啲咩，我哋要諗定點救人。」我說。
「2C班咁蠱惑，我唔信會無陷阱。」Katie說。
「我有一個諗法，但係我需要吳芷晴配合。」我望向吳芷晴，計劃漸漸在我腦中成型。
「吳芷晴？你唔係諗住放虎歸山嘛？」
「佢係一隻可利用嘅棋子，既然遲早都要揼返佢去2C，咁梗係用盡佢啦。」
「我唔諗住放佢走喎。」Katie臉露狠戾，盯着吳芷晴，眼神透着殺意。
我渾然一震，Katie難不成打算殺人？殺死素不相識的敵人是一回事，但要對同級的同學出手⋯⋯我們真的要成為毫無人性的怪物嗎？
「留返佢仲有用途。」我堅持道，要救回我們的朋友，必須比那群精英班更聰明，更有計謀。
「知唔知咩叫反間計？」
11：07
反間計，也稱離間計，利用間諜傳播假情報讓自己的敵人之間互相猜疑而坐收其利。簡單而言，就是逼吳芷晴配合我們，反過來對付2C。這並不是件易事，但威脅的部分便交給Katie了，我會負責計劃。
「雖然我哋識穿咗2C嘅計謀，但佢哋嘅實力始終係未知數，我需要幾個技能較強嘅人，一齊去救人。」
「嘥氣啦，你連佢哋係生係死都唔知，計我話就唔好咁麻煩，當佢哋死咗算。」羅雨韋旁若無人地發表偉倫，氣得Moon差點衝過去，把他暴打一頓。
同樣氣得要死的，還有程紀靜。
「咁好彩呢度唔係你話事，而係李佑年同Katie。」我做夢也想不到她竟然會站在我這邊。
「夠啦，唔好浪費時間，拖得越耐，情況就越危險！」Jason跳出來，防止羅雨韋再胡言亂語。
我的腦袋快速轉動，粗略的計劃漸漸成型。
「Kyle，Tony，Moon同Jason。」我對着全班點名，四人都順從地站起來。
「一陣我會安排吳芷晴同Moon入去先，利用佢令2C班放下戒心。Moon，你要自己執生啦。」
她對我翻白眼。
「我同吳芷晴『傾』掂數，佢會聽我哋講，有咩唔對路就殺咗佢。」Katie語氣中的狠毒令我後背一陣惡寒。「Okay嘅，我哋就出發喇！」
「等等先，我哋班唔可以無主席，你留底睇住其他人。」我補上一句「對方只係人類啫，無乜好怕。」
說實的，我真的是很緊張很害怕，我有幾個中一的朋友都進了2C班，我很怕要傷害他們，很怕要和他們成為對手。不過他們捉了我的姊妹，無論如何我都會救回賢仔，哪怕要犧牲黃美娜和Hinson。我那隻沒拿刀的手，不自覺握緊了些。