急需二百萬個人俾錢我贖身: 【8.1】盧天篇

我是這所學校的學生會會長，名叫盧天。
 
在外界眼中，我和我的朋友策劃了一場驚天動地的綁架案。
 
現階段，部份政府人士應該正從我們的家庭背景去調查，但我們沒有家庭，他們或者只會得知我們是來自西藏的一間孤兒院，幾年前我們被推薦參與一項特殊交流計劃，並獲得在香港接受教育的機會。
 
所以，我在這裡。
 
現在，我在這間小小的課室裡，被十多個手提電腦螢幕圍繞住，每一個螢幕都為我帶來樓下一舉一動的資訊。
 




沒有我的允許，他們逃不了。
 
「佢哋會揾咩人做試驗呢？」我的女秘書趙心悠漫不經心地說。
 
「如果無人自願去做，佢哋或者會採取投票嘅方法。」我說。
 
「投票？咁最高票數一定係張銘成。」康樂組組長陳天祐充滿自信地說。
 
「係咩？」我很有保留。
 




「咁你覺得係邊個？」趙心悠好奇。
 
「我覺得係我細佬。」我說。
 
「盧森？點會呀？」趙心悠不解，「定你覺得佢會自願去做？佢行事不嬲都好出人意表。」
 
「因為我細佬唔係好受歡迎。」我輕笑。
 
「都未至於呢個程度啦。」陳天祐也很好奇我的分析。
 




「不過你嘅分析好少有錯。」趙心悠誇獎我。
 
「盡快解決盧森都好，佢睇嚟好聰明，我都驚佢會識破我哋計劃。」陳天祐翹著手。
 
趙心悠忽然恍然大悟似的：「阿天，唔通呢個局係你set嘅？」
 
我咬著朱古力忌廉包，邊咀嚼邊說：「嗯，俾佢哋以為揾到解除頸環嘅方法，佢哋自然要揾試驗品，通常呢種情況，第一佢哋會更加團結，第二，佢哋會分裂，從此唔再信任彼此。呢個劇情唔錯，然後，我都想知道今次盧森會點做。」
 
「不過問題係，你真係確認佢哋會推盧森做試驗品？」趙心悠很疑惑。
 
「一嚟，盧森從來唔係我計劃嘅目標，二嚟，盧森……」我知道如果投票，盧森一定會成為最高票選之人。
 
「心悠，妳頭先唔係話阿天嘅分析從來無錯咩？」陳天祐認真說。
 
「咁我都想知道點解啫。」趙心悠攤攤手。




 
「好喇，唔好再傾喇，金精火眼做好監察嘅工作，有個傻警喺東北面虎視擔擔，好似想偽裝成學生渾入嚟。」我望著其中一部電腦螢幕說。

-----------------------------------------------------------------------------------

如果你喜歡我的作品，希望大家可以like我IG，謝謝。

https://www.instagram.com/soldieronpaper/