有夢想的鹹魚

大家好我係一條鹹魚，但大家唔好誤會，我唔係真係比人食個隻鹹魚，我係一隻真係係海度游既魚，品種就叫做鹹魚。

  唔知幾時開始，陸地上既人流行一句說話叫︰「做人冇夢想同條鹹魚有咩分別」。首先我並唔同意呢個講法，話我地冇夢想簡直係眨低我地族群既聲譽，我地族群既魚都有大大小小既夢想，有啲要稱霸海洋、有啲話要同殺人鯨拍拖、更有啲話要同人類一齊生活，應有盡有，而我都有。

  我既夢想就係要成為海洋界最出名既魚。咩話？你問我點解要成為海洋界最出名既魚？哈哈你諗下喎，當海洋界所有人都識我，成為左矚目既巨星，到時就有享之不盡既榮華同聲譽，仲有人人都祟拜你既感覺，唔係人人都受得起架嘛。所以為左達成呢個夢想，我每日都會整理好自己既儀容，控制住自己既體態，募求令星探睇得起我，實現我成為海洋明星的夢想。

  然後皇天都終於不負有心人，今日我就帶住自己準備好的條件過左泥海洋明星培訓所，只要入到去呢間學院，我就叫成功踏出實現夢想既第一步！唔…不過冇諗過佢選拔既時間咁鬼早，晨早流流8點叫我過去，平時我都係訓到12點先起身，一時三刻唔習慣搞到遲左起身添…不過唔緊要啦，遲少少姐，我相信評審見到我個儀容同表現，一定會比機會我既！

   望下先，集合地點…係度啦！

  「你好，我係泥面試架！」個工作人員都幾大份…

  「集合時間係8點喎，依家已經9點啦喎。」

     (遲到關你鬼事咩，有到咪得囉，咁鬼多事，等我紅左叫公司炒你魷魚先。)

  「因為…泥個陣條路塞左，所以遲左少少。」

  「準時係你個責任泥架嘛，冇理由我地就你一個架喎。」

   (比唔比我入姐，講咁多野，你咪又係冇明星先會搞呢味野，缺人就咪咁多齮齕啦。」

  「我下次唔會架啦，比次機會我，呢個係我實現夢想既唯一機會啦。」

   「你係度等我一陣啦。」講完佢就行入去面試房。等你一陣見識到我既才華仲唔令你後悔阻住我，哼！

     「你照入去啦，仲有少少時間。」

     我拎起架餐，禮貌地同條友點點頭就行入去。

    一入去放低啲野，身都未熱就班裁判就問我自我介紹，好似趕住去投胎咁。

   「等等先啦，啲野都未放好。」

    「哇你啲咩態度呀，你已經遲到仲聱大夾惡？」

       「咁係未放好呀嘛，點樣自我介紹呢？」

     「好~咁你放好先，放好未？」

       「放好啦。咁各位評判早晨，我叫鹹魚，由細到大夢想都係想做明星，擅長唱歌同跳舞，我希望成名後可以回饋到粉絲，同佢地建立一個好既關係，就係咁多。」

        「你做明星咁肥得唔得架？」

         「下，我唔覺得我肥喎，同埋肥都可以做明星架姐。」

        「咁如果第時工作要你減你會唔會減？」

          「如果工作需要減咁咪減囉。」
     
              「咁如果你因為肥胖患上健康問題，令到粉絲傷心，你點樣同佢地建立一個良好既關係？」 

            (粉絲傷心咪傷心囉，關我鬼事咩，我泥係賺錢咋嘛。)

             「我相信粉絲會明白我既，因為無輪點樣佢地都會支持我架嘛，我諗當我病左既時候都會支持我病既。」

            「唉…唔好意思呀鹹魚，我諗你唔適合明星呢條路，面試完左架啦，麻煩出口係個邊。」

          「下？我連表演都未做喎。」

          「唔洗架啦，睇到哂架啦。保安！」

            「唔好拉走我，都唔公平既，唔通鹹魚連發夢既資格都冇咩？」

            之後個個大隻佬就的走左我。我坐左係堆石頭上面，幾條鹹魚走左過泥，笑我話做明星又失敗，話我發咩不切實際既夢。我暗笑佢地，咩都冇嘗試過就隨便打擊人地夢想，我失敗但至少嘗試過。佢地根本唔明白入面既黑暗，唔明呢行既規則。但我唔會放棄，我仍然會堅持實現自己既夢想，我要證明自己一定是對的！