佛誕怪奇短篇 - 廢棄村落之浴「罰」節: （六）回憶 - 燒村（上）

『點解，點解我哋會仲喺呢度。』
 
『頭先我明明同你哋走嘅方向唔同，但結果都係走返嚟呢度......』
 
每當他們嘗試離開之際，他們能感受到好有一道隱形的牆壁擋在他們前面，每當嘗試越過這面牆的時候，又會回到原本的地方，這大概就是傳說中的「鬼打牆」吧。
 
『點算呀，我哋依家點好呀，我老婆同個仔仲喺村等緊我㗎。』
 
『我都係呀，依家點好。』
 




雖然眾人已被恐懼籠罩，但可怕的事情仍未結束。
 
剛剛那佛像發出的怪異笑聲，此時亦一直縈繞着眾人，而且更有逼近他們的感覺。
 
『無啦，我哋無啦，死緊啦今次。』
 
本已陷入恐慌的眾人，可能因為無處宣洩心中的恐懼，開始把矛頭指向其他人，並且互相指責起來。
 
村民間的指責愈演愈烈，更開始動起手來。
 




混亂中，好幾名村民持有的火把掉到地上熄滅掉，其中一支火把，則掉到荒廢木屋前方的草堆上。
 
就是這麼一瞬間，火勢瞬間令木屋燃燒起來，村民們亦被這突如其來的大火嚇得停下了手腳。
 
說也奇怪，木屋燃燒起來後，本來不絕於耳的詭異笑聲，變成了痛苦的嚎哭聲，而村民們事後更聲稱，他們看到一團黑煙，形成了佛陀的模樣，但佛陀的臉容一點都不和善，感覺像是要把村民們吞噬似的。
 
『大家，呢邊，快啲向呢邊走。』
 
村長在火勢開展之際，注意到本來阻擋着眾人的牆壁好像消失了，於是試着向前跨出數步，確認沒有問題後，便呼喊村民趕快逃走。
 




村民們一直往外跑，這次花不了多少時間，總算回到了原本熟悉的道路上，只要再步行五分鐘，便能回到三椏村。
 
『到啦，我哋到啦。』
 
『等等，唔好過去住。』
 
村民們看到三椏村的瞬間，都急不及待想回到村裡，但村長卻突然喊停，其他人都呆在原地看着村長。
 
『做咩事停低，快啲返村啦。』
 
『係囉係囉，有咩返去再講啦。』
 
『大家冷靜啲先，我都想即刻返去，但村入面有大有細，萬一......頭先隻嘢跟住我哋......』
 
村長的話提醒了眾人，發熱的頭腦突然冷卻，然後細想起剛剛遇到的情形，心底的恐懼再次油然升起。




 
『係，我哋唔可以返去，我老婆同個仔仲喺村度，唔可以連累佢哋。』
 
『但唔返去可以點？唔通我哋成世都唔返去咩？』
 
『陣間佢哋見我哋唔返去，走去牛屎湖嗰邊搵我哋，到時咪仲麻煩。』
 
『一係我哋搬啦，雖然再搵個地方落腳可能好難，但都總好過全條村出事。』
 
村民你一言我一語，誰也無法做出決定。
 
一方面擔心回村會為村子帶來厄運，另一方面亦擔心村子的人會忍不住到牛屎湖村，屆時可能會引發更嚴重的事故。
 
村長默默在一旁沉思，想了很久後終於再次開口。
 




『我哋，去多一次牛屎湖村啦。』
 
其他人對村長的話感到不解，畢竟好不容才死裡逃生，實在想不到再之回去的理由。
 
『我知你哋一定好唔想返去，但我哋唔解決呢件事，就算返到三椏村都唔會安樂。』
 
『但我哋可以點做，我哋頭先差啲連命都保唔住。』
 
村長沉默了一會後，冷靜地說。
 
『燒村！』
 
其他人先是呆了一下，然後開始思考可能性。
 
『其實頭先間屋起火，可能依家已經燒到乜都無得剩，我哋返唔返去都一樣啫。』




 
其中一名村民指出牛屎湖村可能已經變成火海的可能性。
 
『我都有咁諗過，但你哋唔覺得奇怪咩，如果真係成條村着火，我哋會見唔到火光咩。』
 
村長向牛屎湖村的方指了指，眾人才發現，漆黑的夜空下，除了微弱的月亮和星光外，就沒有看到大火燃燒的畫面。
 
『我懷疑，喺我哋走咗之後，已經有某種力量令火勢消失。』
 
村長的話確實不無道理，但若村長所言屬實，不就代表火亦不一定能對付那詭異的東西。
 
『你哋諗下，頭先我哋本來走極都走唔到，但當燒着咗間屋之後，我哋就可以走出嚟，證明火對啲污糟嘢有效！』
 
『村長講得啱，我哋就咁返村嘅話，只會繼續提心吊膽，與其係咁，不如索性賭一鋪。』
 




『無錯，我哋去燒村，解決呢件事，幫小丁同丁爸報仇。』
 
其中一名村民附和後，其他人亦開始贊同村長的行動，在附近收集了新的木棒，一行人再一次向牛屎湖村進發。