每一次扑嘢，都係一場死亡挑戰: 番外篇（5）

完事後，我同Vincy喺床上依偎，擁抱入睡。

喺我就嚟合埋眼、昏昏欲睡嘅一刻，眼尾突然睄到床邊地下有一個戒指盒，實係頭先扑嘢除褲嘅動作大得滯，搞到隻求婚戒指跌咗出嚟。

好在Vincy睇唔到，如果俾佢發現咗，咁就會無咗個驚喜。

為免驚動Vincy，我諗住等到佢訓著咗先行落床執返。

時間過咗十五分鐘左右，我見對方瞇埋眼好似訓得幾稔，呢個時候我先敢靜靜雞起身行落床。





成個過程我都盡量放輕手腳，免得嘈醒Vincy。

落到床，我慢慢執返起個戒指盒，然後放返入條褲裡面。

「嗯？你仲唔訓嘅？」突然間Vincy扎醒咗，迷迷糊糊咁問我。

我嚇咗一跳，雙眼即刻望上去書檯上面：「無…我…我訓唔著…咪欣賞下我地以前砌嘅呢個Lego過山車。」

Vincy打一個喊露，跟住我同佢講：「你唔使理我架，你快啲訓啦。」





「嗯好啦，咁你都早啲訓啦。」Vincy慢慢合返埋眼訓教。

啱啱真係好險，隻求婚戒指爭啲俾對方發現，好彩我手腳快收得切。

我鬆咗一口氣，然後認真望一望個Lego模型。

個過山車模型係我同Vincy一手一腳合力砌出嚟，Vincy對佢珍而重之，特登買咗個透明盒鑲起佢，擺咗喺書檯上面。

望住個模型，令我諗返起好多當時我地啱啱相識同相處嘅情景。





隨後我嘅視線順住向下望，喺Vincy張書檯上面長期貼住一張memo紙，紙上面寫住佢嘅bucklist。

而我之前一直都無為意，家陣先發現喺佢嘅list上面原來多咗一行字，寫住：和Tony林大洲完成一萬下高潮（心心符號）。

除此之外，下面仲有一行註腳：和最喜歡嘅人完成一萬下高潮，應該是一件很浪漫的事（微笑加心心符號）。

呢兩行字令我會心一笑，估唔到Vincy真係諗住想同我做夠一萬下高潮。

不過諗諗下我地每次做愛，平均佢都係得一至兩下高潮，狀態好可能有三次，狀態唔好隨時一次都無。

假設一次扑嘢有两次高潮，隔日做一次，計落都要27年先做夠一萬下，到時我同Vincy應該都已經超過五十歲，唔知到嗰陣我地兩個仲做唔做得郁呢？

無論做得郁又好、做唔郁都好，反正我唔介意同Vincy一齊到五十歲、六十歲甚至更老嘅年紀。

我摸一摸褲袋入面嘅戒指盒，又諗起求婚嘅事。





Vincy話求婚簡簡單單就可以，問題係點先為之簡簡單單？

點樣嘅形式、點樣嘅場合之下求婚，先至簡單得嚟又能夠令到大家留低一個深刻嘅回憶？

之後我日思夜想，諗咗成個禮拜，但諗嚟諗去，諗到頭都爆都未諗到點樣向Vincy求婚。