每一次扑嘢，都係一場死亡挑戰: 48

我喺書架上面攞出嗰本常識問答題大全。

本書載錄咗超過五百條題目，咩類型都有。

我將本嘢放喺床頭邊，揭起俾Vincy睇，跟住佢就負責提問。

「好啦，Tony你準備好未？第一屆床上問答遊戲即將開始，你答啱一題就督二十下，答錯就五十下，回合不設補答，清唔清楚？」

「知啦，唔使搞咁多花臣，直接開始得架啦。」





「好！第一題，請問全香港一共有幾多個水塘？」

「下…」

「請放心，題目有三個選擇俾你揀。A：15個、B：16個、C：17個，請問Tony你嘅答案係？」Vincy以問答遊戲節目主持人嘅口吻問我。

「我淨係聽過城門水塘、大譚水塘、萬宜水庫，另外嗰十幾個喺邊架？」

「請喺五秒之內作答。五…四…」





「喂喂喂，俾啲時間諗下先啦。」雖然係無獎問答，但我都唔想第一條就答錯咁失威。

「三…二…一…夠鐘！請講出你嘅答案。」

「Er…Er…我揀A：15個。」我唔知答案，只能求其撞一個。

「錯！答案係C：17個。既然你答錯咗，咁就要插五十下。」

遵循遊戲規則，我從後扶住Vincy條腰，老漢推車，連啪五十下。





「嗯…嗯…嗯…」女方輕輕呻吟，五十下之後，佢又轉返個主持tone。

「好，第二題，請問香港佔地面積嘅中學係邊一個間？」

「嘩啲題目咁難嘅？」

「呢條題目都係有三個選擇，A：聖士提反書院、B: 拔萃男書院、C：鳳溪第一中學。」

「啱先第一題答案係A，咁呢題應該係B：拔萃男書院。」

「呢個係你嘅最後答案？」Vincy問。

「Er…都係唔好，我決定轉答案，我揀C。」

「錯！答案係A：聖士提反書院。」





「頂！」

「乜你咁渣架，兩個答案都答唔啱。」

「我未熱身啫，下題一定答得中。」我拿拿臨插夠五十下，就去下一題。

「咳咳。」Vincy乾咳兩聲，清清喉嚨發問：「喺啤牌遊戲『鋤大Dee』中，兩條同花鬥大，請問應該先計花色定係先計點數？」

「花色！」我諗都唔諗，直接肯定咁回答。

「錯！答案係計點數先。」

「無可能，我平時同人玩都係鬥花色邊個大！」我立即上訴。





「點會係計花色，梗係計點數先啦，唔通葵扇3會大過階磚Dee咩？」Vincy反駁。

「但係葵扇真係大過階磚喎！」

「咁Dee無理由細過3架嘛！」

「咁可能係各處鄉村各處例，大家玩法唔同，所以呢題唔計！」

「乜你咁瀨貓架！」

「邊有瀨貓？我地都係唔好拗，直接去下一題啦。」

我越玩越上心，漸漸沉迷喺遊戲之中，令我開始唔記得咗一萬下嘅煎熬。

如是者，我地玩完一題又一題，當我答啱嘅時候就插二十下，答錯就五十下。





而嗰啲題目出奇地難（又或者係我無常識），結果我輸多贏少，數字一直五十下五十下咁上，問咗唔夠一百題，距離一萬下就只剩返140下。

只要再錯三題，咁我就順利湊夠一萬下。

然而我卻想挽回一些面子，想連續答啱七題，都唔想答錯三題。