每一次扑嘢，都係一場死亡挑戰: 34

要逃走就首先要解開個手扣。

根據過往睇電視劇所得嘅經驗，最有效就 詐死。

只要醫生一嚟幫檢查，就會叫差佬解鎖。

「啊！」我掩住個心，做出好痛苦嘅表情，「啊！救命啊！」

「先生？你無嘢呀嘛？」個靚女姑娘關切咁問我。





「我個心好痛，可唔可以幫我叫醫生嚟？」我捉住姑娘隻手，扮到好肉緊。

「你等等，我立即搵醫生。」

嗰個靚女姑娘好盡責，好快就帶咗醫生嚟。

一見到醫生，我喺張床再典多幾下：「醫生救命，我個心好痛。」

醫生叫兩個差佬馬上解開手扣。





嗰兩個差佬卻有啲猶豫，我即刻再扮得慘啲：「醫生唔得啦，我個心好似要裂開咁。」

「快啲啦！」醫生催促。

最後兩個差佬唔太情願咁解開鎖喺我床頭嘅手扣。

跟住，醫生同護士拉返趟簾，幫我檢查。

當然我都知自己只係扮嘢，呃唔到醫生好耐，呢個亦只係緩兵之計。





我真正嘅計劃係趁呢個時候，令碌嘢勃起，然後捉住嗰個靚女姑娘，喺佢身上施加靜止之力，從而進入金剛不壞之身嘅狀態。

然之後再以呢個狀態走佬。

但萬萬估唔到，計劃出咗一啲意外。

一啲無辦法預測到嘅突發意外。

喺醫生正為我檢查嘅時候，突然間地下劇烈震動。

本來以為係錯覺，殊不知震得越嚟越犀利，成棟醫院都震緊。

嘩屌！唔係地震下話？乜香港會地震架咩？

無記錯嘅話，之前廣東省試過地震，香港都感受得到。





點都好啦，唔好理係邊度震過嚟，總之家下就係震撚到仆街。

「啊！！！」醫院一片混亂，大家爭相逃走。

我立即彈落床，個身啱啱離開張床嗰下，喺天花板上面，有舊石屎冧咗落嚟，砸正張床。

走遲一步，我都瓜得老襯。

整棟建築劇烈搖晃，無論係病人定醫生還是差佬都慌張失措，有啲人匿落床下底，有啲人就衝落樓逃命。

所有人為求自保，個個爭相恐後，互不相讓。

結果嗰個靚女護士，就俾一個趕住逃走嘅麻甩佬撞跌咗。





我承受住強烈嘅震動，跌跌撞撞咁行埋去扶起佢：「你無事呀嘛？」

「無…無事…」

當我扶起佢嘅時候，喺我地腳下傳嚟「啪啦」一聲。

係地下裂開嘅聲音。

呢間醫院已經有多年歷史，建築非常殘舊，地震起上嚟，唔單止冧天花，連地板都開始龜裂。

地震一直唔停，地下嘅裂痕只會越嚟越大，當完全裂開，我地就會「soup」一聲跌落去。

與此同時，頭頂又聽到咦咦聲，望上去見到有一大塊石屎垂吊喺半空，準備跌落嚟。

喺咁嘅情況之下，我地要安全離開，或者只有一個辦法。