每一次扑嘢，都係一場死亡挑戰: 18

「Hi Tony！」對方熱情咁同我打招呼，「你等咗好耐？」

「唔係，一陣啫。」

「咦，你對手咩事呀？」Emily見到我雙手戴住手套。

「無乜嘢，皮膚敏感啫。」

「咁嚴唔嚴重呀？」Emily捉住我隻手問。





「唔嚴重，好小事啫。」我縮開隻手，唔敢同佢有太多身體接觸。

皆因我一睄到佢漲卜卜嘅心口，碌嘢就忍唔住扯旗。

我驚掂到佢陣間又唔小心發動靜止之力，到時就麻煩。

「係啦， 咁我地依家去邊？」我問Emily。

「嚟得呢度，梗係要shopping啦！」





人地話女人一唔開心就鍾意買嘢，果然無講錯。

商場咁多間鋪頭，Emily行完一間又一間，衫褲鞋襪手袋，總之一睇啱就買。

我地兩個人，佢負責買嘢，我就負責埋單。

雖然荷包大出血，不過最緊要係見到佢開心。

畢竟只有氹到佢開心，咁我先至有機會同佢「開心」。





行咗幾粒鐘，我地拎住一抽二掕，離開商場。

出到門口，見到一架名貴跑車停泊喺路邊。

咦…呢架「波子」咪係…

「喂呀，快啲嚟幫人拎嘢啦。」Emily行過去架車嗰度。

隨後，有個靚仔型男行落車，幫佢拎啲嘢上車。

「Emily，你唔係話同你男朋友嗌交咩？」我呆咗咁問佢。

「係呀，不過今朝和好咗啦。」

「咁…咁你仲約我去街？」





「都約到出嚟囉，咁無理由放你飛機架嘛。」

「下…咁都得…」

之後佢條仔行過嚟，拎埋我手上兩袋嘢放上車。

「好啦Tony，我地得閒再聯絡啦，bye bye。」Emily坐喺架車度，同我揮手道別。

個「bye」字都未講完，架車就快速駛走。

眨眼間，Emily連同佢對G cup波就消失喺視線之中。

呢一刻嘅我，內心深感不忿。





我以為佢同男朋友嗌咗交，諗住自己有機會乘虛而入，先至會碌爆幾張咭，嚟買嘢俾佢，博取佢嘅歡心。

點估到轉過頭佢連多謝都無句，就拎住一袋二袋由我俾錢買嘅嘢，坐上自己條仔架車走人。

仲要我早排先俾公司炒咗，呢段時間完全無收入，只靠積蓄維生，今日一炮過使咗咁多錢，本來已經足夠令我肉赤。

但更令我心痛嘅係，付出咗咁多，最後竟然連波皮邊都掂唔到。

係一下都掂唔到！

我開始明白，由始至終，Emily就係持住自己大波，不斷想喺我身上攞著數。

根本佢一直以嚟都只係當我係兵，係一條水魚！

「俾條女咁樣撚法，你唔係咁都忍到下話？」





「乜又係你？」

嗰個著住西裝嘅魔鬼，擔住口煙行埋嚟：

「你對條女咁好、咁捨得使錢買嘢俾佢，但係佢當你係咩呀？當你係水魚渣！呢啖氣如果你咁都吞得落，就真係丟曬我地男人嘅架。」