我所暗戀嘅女孩

何謂暗戀？暗戀指嘅係你鐘意嘅人唔知你鐘意佢，

但只要你一日仲係度暗戀緊，佢就永遠都唔會知道你鐘意緊佢，

你係好想同佢講你係鐘意佢，但現實話你知如果你一講咗，

可以連朋友都做唔成，甚至換嚟一句「其實你真係一個好人，定係我哋做返朋友」，

到時你只會後悔莫及，慘食檸檬，連兵都冇得你做，





我知道呢啲係同女仔增進感情嘅必經階段，

作為一個A0毒L，其實真係毫無資格去左右其他人嘅諗法，

講出嚟嘅嘢只係係度自欺欺人，甚至乎只係係度散播緊我自卑、冇信心嘅價值觀，

但係對於我自己嚟講，我好重視每一次暗戀關係，

可能佢哋每一個都未必會同我有好好嘅結果甚至接觸，但對於我嚟講已經好滿足，





當佢哋係我最意想不到嘅情況出現，其實就已經成為我眼中100%嘅女孩...