我的故事: 02

大概係十月初嗰陣，我打機嗰陣就問阿明：「嗰個女仔叫咩名啊？」阿明話：「嗰個女仔叫李佳敏。」之後我哋就拉咗阿敏入嚟一齊打機，點知佢又拉咗一個朋友（阿榮）入嚟，跟住我哋就開始咗四排打機。之後嘅幾日阿榮都會同我哋一齊打機，搞到我冇得同阿敏雙排打機。不過阿榮之後成為咗我一個幾神奇嘅朋友。

大概過咗幾日，我喺班房嗰度見到大概五六個女仔好似喺度議論緊我，突然有一個女仔過咗嚟話：「我有個朋友想要你嘅聯繫方式。」我答：「冇問題啦，不過我想問係邊個想要我嘅聯繫方式？」個女仔話：「大概係企喺度門隔籬一直喺度偷睇嗰個，你應該識得佢？」我問：「佢叫咩名？」我聽到嗰個人名後，我先恍然大悟知道咗佢係邊個，不過仔細一望嗰個女仔身高有啲矮，不過都幾可愛。我心諗：「原來平時同我打機嗰個女仔係咁，都幾好睇呀！」

之後每日夜晚八點嗰陣，聊天記錄都會係「打不打」「打」雖然每日嘅對話都係重重複複，不過有時我主動去搵佢傾吓啲日常，有時候佢都會問我功課，有時候我仲會同佢打機嗰陣打賭，我贏咗的話佢就會send相俾我，不過佢總係會拖住唔send俾我，因為佢驚我覺得佢唔好睇，但係我覺得佢真係好可愛。

開始每晚同佢傾偈傾到差唔多十二點幾先會瞓，當時嘅我哋真係咩都無話不談，例如傾吓日常嘅八掛、傾吓星座，之後我都比佢強迫send咗一張我自己嘅自拍照。後來我開始有啲唔滿足咁樣，我想同佢喺學校傾多啲偈，因為平時大多數都係喺網上面傾，跟住我再尋求佢嘅兩個朋友（阿欣、阿穎）嚟幫我搵多啲機會同佢傾，事實上我同阿敏係現實中傾偈真係好尷尬，完全唔知傾咩好，搞到我成個怕羞仔咁樣，不過我都盡力搵咗啲話題同佢傾。

十一月二日發生咗一啲重要嘅嘢……