補習社的女同事: 交談

「Regina，你以前係番過咩工架？呢個我之前就想知，不過……不過一直未有機會問。」

「你問嘅話我唔介意答。我之前都係番辦公室文職，因為有朋友推薦。我番左兩年左右就轉過嚟，跟住係度做左年幾……話曬，我都係想做番教育行業嘅工作，你呢？」

「我……我之前番嘅係，保險經紀。我估你應該想問點解我會由保險轉過嚟教育架啦……」

「唔想喎。」佢突然有d調皮咁講。

「哦，咁好啦。」



「講下啫，話左我地要了解對方，你就繼續講啦。」

「我做保險都係識得朋友，入去做嘅時候上線經理會同你講到學到技巧就自然搵到客簽到單，但到頭來始終建立人脈係最首要嘅，而呢方面……公司比太多唔合理嘅壓力，所以我都係決定離開。我以前都有係小學做過助教，所以都係想番嚟教育界發展。」

「咁樣嘅話，希望你真係有心教……同埋唔好對細路女落手……」

「我邊會呀？！我……我淨係……淨係對你有意思！」

「咁我唔想咩都比你咩左，唯有希望你講嘅係事實啦。」佢故作無奈地歎氣。



「咁你本身係大學讀咩科架？」

「我大學讀港大，主修英國文學，因為一次細個去英國嘅遊歷令我鍾意左學英文。果陣都好似有d任性，唔太理會父母想我讀law呢類神科嘅意見，揀左我最想讀嘅興趣科。至於話係唔係一定做老師，果陣我都未算諗清楚。」

「可以有決心揀自己鍾意嘅科，真係唔容易架。」

「咁你呢？唔通你個科唔係自己揀？」

「係自己揀，不過以為容易上手嘅科結果都係讀得好辛苦。要堅持讀興趣科真係唔容易。」



「我記得你個科好似係……地理資源？」

「係呀，主要讀下自然同人文地理……幾好玩嘅，雖然多project，又多report交。」

「有時辛苦過後先有收穫。」Regina再次同我講出人生感悟之類嘅說話，可能代表佢開始對我下火。

「我地得閒……得閒應該互想講多d人生態度，互相support下。」

「放心啦」Regina同我打個眼色。「我話左會比機會同時間你，以後我地有唔少時間相處，互相了解。」

「好啦……多謝你先。」我略帶慚愧咁講。

「覺得對我唔住嘅話，就好好表現……好好愛我。」Regina語重心長咁講。