[甜文]關於我變成男神之後食女食到腳軟既故事: 第二章 蛻變

「陳卓希... 陳卓希!!!」
邊個嗌我!! 咦? 呢度邊度黎架? 我唔係喺床到喊緊架咩?
「你終於醒啦咩?」我向聲音嗰邊望過去。
「你係邊個?」我見唔到任何人，四周都係光芒，乜野都冇。
唔通我咁死左? 喊到死左? 唔撚係掛。
「歡迎黎到 『 願望之室 』，呢度係為嗰啲被現實同不幸所摧殘既人類帶黎生存希望既房間，而你... 就係被選中既細路!」
哇，有啲咁既好事? 我由細到大都真係未試過比人選中。
「係咪真事先? 有冇咩條件架?」我好奇咁問。
「冇 ! 你盡情提出啦，你既願望一定會被滿足架啦!」
屌，好似自言自語咁，算啦，點都試下。


「我想變成男神! 又高又靚仔又大隻，仲要學習能力好好咁，得唔得?」我就係咁貪心架啦!
「好，仲有冇其他要求?」
「啊最後一樣!! 我要賓周又大又粗!!! 勁撚過高俊!!」我講完之後，眼前就有股強烈既光芒。

慢慢咁擘大眼，天花板都仲係熟悉既天花板，屌，咩都冇改變過。
唉唔理啦，享受下第一日既暑期先啦!
一企起身，咪住先? 哇屌!!! 我隻腳長左咁多既? 呢隻咁長，瘦得黎又有肌肉既腳。
我再揭起件衫，冇左肚腩!! 仲要係好完美既腹肌!! 睇黎我唔係發夢!!
拎起隔離既手機碌下。
「仆你個街!! 9月1號? 屌你唔係話冇條件架咩!!」


(喂卓希哥，改造都要時間架，唔洗你郁，剩係瞓喺度咪算對你好囉)
唔理啦，啫係今日要返學啦! 啫係又要見到... 
等陣先... 我宜家咁樣咪啫係... 男神! 咁睇黎我復仇既時機黎啦!!

我落左床去左廁所到梳洗，我完全唔敢相信鏡入面既人係自己。
明明我合埋眼前仲係比人NTR完既肥仔，廢柴。
瞓醒一覺就變左做個男神，邊個會信? 
梳洗完就去換校服，但有樣難題... 啲衫咁鬼細件，點着啊!!
願望之室!! 我屌你!! 你係都幫我換埋啲衫既size啊!!!
(屌你真係好撚煩，幫埋你最後一次啦!)


「仆街，我諗下啫，啲衫又真係變大左，嚇撚死我。」
我真係好想快啲見到 Catherine 既反應，同埋嗰個羞辱我既高俊。
我敢講，宜家啲間學校冇人夠我靚仔，高俊都要幫我挽鞋。

就咁出街，已經見到好多女望住我，搞到我都周身唔自在。
冷靚啲啊卓希! 你宜家已經係個超級靚仔，冇人會再笑你架啦!
就喺等緊車嗰時，周圍有好鬼多我地學校既人，9成人都討論緊我。
「你... 你好啊師兄! 你都係讀春田花花中學架嘛? 我可唔可以攞你既IG啊?」係個幾可愛既眼鏡娘，矮我大概個幾頭左右，走左黎我面前。
我盡力忍住唔露出猥瑣既表情，輕輕一笑咁答佢 : 「sorry啊，我冇IG架。」
佢塊面紅過國旗，睇黎係鼓起左好大既勇氣先至敢同我講野 : 「sorry啊師兄!! 我冇心騷擾到你架!!」
我輕輕咁摸一摸佢個頭，温柔咁講 :「唔緊要。」之後就轉身行左去另一邊。
慢慢行走嗰時仲聽到佢班姐妹喺度好羨慕咁同佢討論。
我敢保證，如果仲係我以前嗰副矮肥毒既模樣去摸佢頭，我宜家應該喺差館。
只能講 人帥真好，人醜性騷擾。



嗯，之後就係要去報復Catherine同埋高俊...
俊? 邊忽俊啊? 睇下宜家邊個先係俊 : )