后海灣中學 (甜): 考試季節 (1) (Dick視覺)

"拿，幫妳拎左喇。"我將一個包裹交比Cindy。

"唔該哂，好在有你幫我拎。"Cindy露出一面滿意嘅笑容講。

"邊洗客氣啊，話時話入面咩尼架？"見Cindy咁在意佢上網買嘅野，我好好奇錦問。

"唔話你知hehe....." Cindy偷笑話。

"不過見你幫我拎，話你知都得嘅。"Cindy有啲沉重錦講。



其實Cindy係上網買禮物比佢嘅好姐妹Tracy同Raven。自從Raven失戀，Cindy就變左Raven可以最依賴嘅朋友，雖然佢兩個中一打後就冇再同班，但話哂都係由同一間小學一齊升上中學，失戀要關心下都合情合理嘅；而Tracy同中一直到依家都同Cindy同班，係佢上左中學最好嘅朋友。估唔到身為學霸嘅Cindy要為"好姐妹間有可能互相呷醋"而困擾，我作為男仔，基本上唔會發生錦嘅事，小學一齊升上尼同學同中學新認識嘅同學，大家一齊打場波，打鋪機，大家friend左，咪一齊做朋友下次再一齊玩囉。但喺女仔嘅角度，Cindy睇到嘅好似唔係錦。

"嗰次halloween day我搵Raven做partner，好似搞到Tracy呷醋....."Cindy講出佢嘅憂慮，所以先想買禮物氹下Tracy。

"唔會掛？"我問，雖然我記得當日真係覺得Tracy有少少失落。

"嗯，你唔太了解Tracy喇，佢係個佔有慾好強嘅女仔....我指友情方面。"Cindy話。

"妳錦講又好似係喎...."我若有所思錦答。"但妳嗰排又唔可以扔低啱啱失戀嘅Raven。"我直接講左Cindy心入面嗰句出尼。



"嗯嗯。"佢點頭同意。從Cindy望住我嘅眼神，睇得出佢呢刻唔知點做嘅擔心。

"錦好簡單姐。" 我笑住答 "妳令佢兩個都變friend 咪得囉！"

"吓？" 佢好疑惑，睇尼佢未明白我嘅意思。

"妳唔想得失其中一方，但妳又冇可能討好哂兩邊，與其夾喺中間比兩邊呷妳醋，錦佢兩個變friend左大家一齊玩咪唔會呷妳醋囉。"我用男仔嘅角度比左個建議Cindy。

"得唔得架？"佢問。



"妳試下先啦，例如考試前一齊溫書，考完試一齊去玩之類"我話。

"嗯嗯。"

""
啊係呢，妳有冇報中史下年個study tour? " 我轉左另一個話題。話說后海灣中學中史科喺下年農曆新年假期有個內地study tour，雖然唔係一定要去，但老師非常建議我地修讀中史嘅同學去，反正成個tour除左個人開支外，全部費用都由政府同學校津貼。

"我未諗好啊。"Cindy話。

"就快截止報名喇，一齊去啦，反正又唔洗錢！"我嘅諗法好簡單，Cindy去我就去，佢唔去我都唔去。

"我未試過自己一個去咁遠喎。"佢好擔心錦講。

"我地個個都未試過架啦，一齊去啦，話就話唔係一定要去，但啊Sir咁想我地去，應該有著數嘅。" 我講得好明顯，身為學霸嘅Cindy應該聽得出，去就可以增加啊sir對自己嘅印象分，畢竟學霸最重視呢樣野。



"錦我地班仲有邊個會去？"佢問。

"好似大部份都去啊，啊xxx，xxx...."我答佢。

"錦我諗下啦。"佢講。我認為Cindy係會去嘅，一諗倒可以同我鍾意嘅女同學一齊去六日五夜嘅旅程，日見夜見就可以增進感情，機會黎啦！！！