后海灣中學 (甜): 舉手之勞 (3) (Dick 視覺)

"即係錦樣？"Cindy問。

"係啊，啊sir琴日係錦講。"我一邊答Cindy，一邊比Tracy對腳挑逗緊，佢用佢對鞋頭輕輕頂我右腳。我見Cindy埋頭寫緊字，我就望向Tracy，用眼神示意佢唔好再撩我住，Cindy距離我隻右手只有20cm，唔好喺呢啲唔合適嘅時候撩我啦！不過Tracy完全無視。

"喂啊...."Cindy細細聲同對面嘅Tracy講，同一時間Tracy停低左無再撩我對腳......????? 唔通Cindy知Tracy用腳撩緊我，所以就出聲制止Tracy? 但Cindy點會知？佢無理由望倒嗰喎？

"Cindy妳好衰囉，有異性無人性。"Tracy扁嘴。

"咩啊.....好快喇，就抄完喇。"Cindy塊臉紅住錦安慰佢。



"喂啊Dick你同我換位啊！"Tracy命令我。我起身同Tracy調位，佢一坐底就即係唉落Cindy個身倒。

"喂啊....佢望住..."Cindy好怕羞錦望住我呢個方向，想推開Tracy。

"唔緊要啦，Dick咋嘛。"Tracy翹實Cindy隻左手，其實我見住佢地錦攬身攬勢都有少少唔好意思，一個係我中意嘅女仔，一個係同我曳曳嘅女仔......我即刻低頭做功課。

"就係咁多喇，同埋下堂記得帶安全眼鏡。"Tracy講哂佢需要同Cindy講嘅化學堂重點。

"嗯嗯，抵錫。"Cindy好滿足錦講。



"錦妳決賽幾時打？"Tracy問佢。我地后海灣中學嘅女子閃避球隊成功晉級爭冠軍。

"今個星期日啊。妳黎唔黎睇啊？"Cindy笑住問Tracy。

"嗯....今個星期日我唔得閒喎，喂啊Dick你代我去啊。"Tracy望住我。

"吓有得代人去打氣嘅咩？"我笑住講。

"Cindy妳放心啦，Dick會代我去。"Tracy講。



"妳又知我一定得閒？"呢句我同Tracy講。"妳喺邊打決賽啊？"呢句我問Cindy。

點知過左兩日，Cindy WhatsApp我。

"你星期日係咪真係得閒？"Cindy問我。

"係啊，去同妳打氣嘛。"我加左個笑哈哈表情符號，其實原來我嗰日約左朋友打機，不過我係個有異性無人性嘅人，所以我推左，呢刻無咩野比Cindy更重要。

"不如呢....你星期日可唔可以幫我做啲野？"Cindy問。

"咩事啊？"我問。上次Cindy要我幫手就係要代佢做Tracy嘅partner，今次應該唔會掛？

"可唔可以打比你？"Cindy問。

"可以啊。"好似好大件事錦喎，我都未試過同Cindy講電話，依家仲係佢主動打過黎......



"喂？啊Dick? "Cindy打左比我。

"咩事啊? "我問

"星期日呢，你可唔可以......."佢比左個任務我。

呢個任務都幾特別，原來Cindy之前喺網上面買左野，約左賣家星期日喺尖沙咀同人交收，原本佢無諗過自己入倒決賽所以訂左喺星期日交收，但依家Cindy本人要打決賽唔得閒去。Cindy話最初諗住搵Tracy或者Raven幫手，但咁啱佢地星期日都唔得閒，所以就搵我幫手。我去幫Cindy交收無問題，但就無得睇佢比賽囉......

"件貨你拎左就keep住先，下個星期六約你出黎比件貨我啊。"Cindy講。

唔知Cindy買左咩野咁神秘，唔可以比屋企人知，又唔可以拎返學校，又咁啱無其他朋友幫佢拎，佢又會咁大頭蝦訂左喺比實嘅日子......不過佢約我下星期六出黎，都係好事啊，錦就有藉口同佢增進感情，哈哈哈。